തെരുവിൽ ഒരു പൗരൻ – മുഹമ്മദ് ഷബീർ എം. എഴുതിയ കവിത
Mail This Article
×
ആലംബമില്ലാത്തവൻ
തെരുവിലുറങ്ങുമ്പോൾ
നിഴലാൽ നീട്ടിതൊടുന്നു
ഒരു വീട്.
അവന്റെ ഉച്ചിയിലെരിയുന്ന
ഉന്മാദക്കനലുകൾക്കുമേൽ
കുളിർപന്തലായി
പടർന്നിറങ്ങുന്നു, വീട്.
അവന്റെ
മാറാപ്പിലുറങ്ങുന്ന കിനാക്കൾ
എത്രമേലുയരം കൊതിച്ചിരിക്കാം.
വിടരാതെപോയ കിനാക്കളെ
പൊതിഞ്ഞുപിടിച്ച
വീട്ടിൽനിന്നും
ഏതോ പെൺനിഴലുകൾ
അവനെ പുണരുന്നു.
എരിയും പകലിൽ
കുളിരായൊരു വീട്,
പുണരാനോ നിഴലുടലും.
കൊതിക്കാത്ത വീടും
ഇല്ലാപുണരലുകളുമേറ്റ്
തെരുവിലൊരു പൗരൻ
ഗാഢമുറങ്ങുന്നു.
English Summary:
Malayalam Poem ' Theruvil Oru Pauran ' Written by Muhammad Shabeer M.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.