മേയറുണ്ട് സൂക്ഷിക്കുക: പോസ്റ്റർ‌ പതിച്ച് യൂത്ത് കോൺഗ്രസ്

തിരുവനന്തപുരം ∙ മേയർ അധികാര ധാർഷ്ട്യം കാണിച്ചെന്നാരോപിച്ച് യൂത്ത് കോൺഗ്രസ് തിരുവനന്തപുരം കോർപറേഷനു മുന്നിൽ സമരം നടത്തി. സാധാരണ യാത്രക്കാരുടെ വഴി തടയുകയും സ്ത്രീ സംരക്ഷണ നിയമങ്ങളെ ദുരുപയോഗിക്കുകയും ചെയ്ത മേയറുടെ നടപടിയിൽ പ്രതിഷേധിച്ചാണ് സമരം നടത്തിയത്. കോർപറേഷനു മുന്നിൽ ‘ഓവർടേക്കിങ് നിരോധിത മേഖല’ എന്ന പോസ്റ്ററും അതുവഴി കടന്നു പോയ കെഎസ്ആർടിസി ബസുകളിൽ ‘മേയറുണ്ട് സൂക്ഷിക്കുക’ എന്ന പോസ്റ്ററും പതിക്കുകയും ചെയ്തു. 

ചീഫ് ഓഫിസിലേക്ക് ടിഡിഎഫ് സമരം

തിരുവനന്തപുരം∙ കെഎസ്ആർടിസി ബസ് തടഞ്ഞ് ഡ്രൈവറെ കയ്യേറ്റം ചെയ്യാൻ ശ്രമിച്ച മേയർക്കും ഭർത്താവ് സച്ചിൻദേവ് എംഎൽഎയ്ക്കും എതിരെ കേസെടുക്കണമെന്ന് ടിഡിഎഫ് വർക്കിങ് പ്രസിഡന്റ് എം.വിൻസെന്റ് എംഎൽഎ. ട്രാൻസ്പോർട്ട് ഡെമോക്രാറ്റിക് ഫെഡറേഷന്റെ (ടിഡിഎഫ്) നേതൃത്വത്തിൽ കെഎസ്ആർടിസിയുടെ ചീഫ് ഓഫിസിലേക്ക് നടത്തിയ മാർച്ച് ഉദ്ഘാടനം ചെയ്യുകയായിരുന്നു അദ്ദേഹം.