സാഹിത്യകാരൻ ബൽറാം മട്ടന്നൂർ അന്തരിച്ചു; സുരേഷ് ഗോപിക്ക് ദേശീയ പുരസ്കാരം സമ്മാനിച്ച കളിയാട്ടത്തിന്റെ തിരക്കഥാകൃത്ത്

നാറാത്ത് (കണ്ണൂർ)∙ പ്രശസ്ത തിരക്കഥാകൃത്തും സാഹിത്യകാരനുമായ ബൽറാം മട്ടന്നൂർ (62) അന്തരിച്ചു. സുരേഷ് ഗോപിക്കു മികച്ച നടനുള്ള ദേശീയ പുരസ്കാരമുൾപ്പെടെ നിരവധി ബഹുമതികൾ നേടിയ കളിയാട്ടം, കർമയോഗി, സമവാക്യം, പിതാവിനും പുത്രനും പരിശുദ്ധാത്മാവിനും തുടങ്ങിയ സിനിമകളുടെ തിരക്കഥാകൃത്താണ്.

മുയൽ ഗ്രാമം, രവി ഭഗവാൻ, കാട്ടിലൂടെ, നാട്ടിലൂടെ (ബാലസാഹിത്യ കൃതികൾ) ബലൻ (സ്മരണകൾ) പാവപ്പെട്ട കഥ, ജീവിതം പൂങ്കാവനം (പലവക) അനന്തം (പരീക്ഷണ കൃതി) കാശി (നോവൽ) തുടങ്ങി നിരവധി പുസ്തകങ്ങൾ എഴുതിയിട്ടുണ്ട്.

പരേതരായ സി.എച്ച്. പത്മനാഭൻ നമ്പ്യാരുടെയും സി.എം. ജാനകിയമ്മയുടെയും മകനാണ്. കെ.എൻ. സൗമ്യയാണ് ഭാര്യ. മകൾ: ഗായത്രി ബൽറാം. സഹോദരങ്ങൾ: ജയറാം, ശൈലജ, ഭാർഗവറാം, ലതീഷ്.