മീൻ പൊരിക്കുമ്പോൾ ഈ രീതിയിൽ മസാല ചേർക്കാം, രുചി കൂടും

കുറച്ചു വ്യത്യസ്തമായ ചേരുവകൾ ചേർത്ത് മീൻ ഇങ്ങനെ വറുത്തു നോക്കു, രുചി അപാരം തന്നെ. 

മീൻ പൊരിച്ചത് 

• മീൻ (തിലാപ്പിയ ) - 1 കിലോഗ്രാം
• വെളിച്ചെണ്ണ - ആവശ്യത്തിന് 

മാരിനേഷൻ 

• മുളകുപൊടി - 1 ടേബിൾ സ്പൂൺ 
• കാശ്മീരി മുളകുപൊടി - 2 ടേബിൾ സ്പൂൺ 
• മഞ്ഞൾപ്പൊടി - ഒരു ടീസ്പൂൺ 
• മല്ലിപ്പൊടി - ഒന്നര ടേബിൾസ്പൂൺ 
• കുരുമുളകുപൊടി - ഒരു ടീസ്പൂൺ 
• ജിൻജർ ഗാർലിക് പേസ്റ്റ് - ഒരു ടേബിൾ സ്പൂൺ 
• ഗരം മസാലപ്പൊടി - ഒരു ടീ സ്പൂൺ 
• മല്ലിയില -രണ്ട് ടേബിൾ സ്പൂൺ 
• കറിവേപ്പില - ആവശ്യത്തിന് 
• നാരങ്ങാ നീര് - ഒരു ടേബിൾ സ്പൂൺ 
• വെള്ളം - ആവശ്യത്തിന് 

തയാറാക്കുന്ന വിധം വിഡിയോ കാണാം

• മാരിനേറ്റ് ചെയ്യാൻ ഉള്ള എല്ലാ ചേരുവകളും കുറച്ച് വെള്ളമൊഴിച്ച് മിക്സിയിൽ നല്ല ഒരു പേസ്റ്റ് രൂപത്തിൽ അരച്ചെടുക്കണം.
• ഈ മസാല വരഞ്ഞു വച്ചിരിക്കുന്ന മീനിൽ നന്നായി തേച്ചു പിടിപ്പിക്കുക. 
• 30 മിനിറ്റെങ്കിലും ഇത് വയ്ക്കണം .ഒരു പാനിൽ ആവശ്യത്തിന് വെളിച്ചെണ്ണ ചൂടാക്കി മീൻ മീഡിയം ചൂടിൽ 5 മിനിറ്റ് ഓരോ വശവും വറുത്തെടുക്കുക.

English Summary : Tasty Easy Tawa Fry Recipe.