Manoramaonline.com no longer supports Internet Explorer 8 or earlier. Please upgrade your browser.  Learn more »

വിദേശയാത്ര വേണ്ട, മാധ്യമങ്ങളിൽനിന്ന് അകലം പാലിക്കണം: നേതാക്കളോട് മോദി

Narendra Modi പ്രധാനമന്ത്രി നരേന്ദ്രമോദി

ന്യൂഡൽഹി∙ പാർട്ടിയിലും സർക്കാരിലും ഉടലെടുക്കുന്ന വിവാദങ്ങൾക്കു തടയിടാൻ പ്രധാനമന്ത്രി നരേന്ദ്ര മോദിയുടെ നീക്കം. ബിജെപിയുടെ മുഖ്യമന്ത്രിമാർക്കും നിയമസഭാംഗങ്ങൾക്കും പെരുമാറ്റച്ചട്ടം കർശനമാക്കാന്‍ പ്രധാനമന്ത്രി തീരുമാനിച്ചു. ഔദ്യോഗിക ആവശ്യങ്ങൾക്കല്ലാത്ത വിദേശയാത്രകൾ പൂർണമായും ഒഴിവാക്കണം. മന്ത്രിമാരുടെയും ജനപ്രതിനിധികളുടെയും പഴ്സനൽ സ്റ്റാഫിൽ ബന്ധുക്കൾ പാടില്ല. ഇപ്പോൾ അങ്ങനെ ആരെങ്കിലും ഉണ്ടെങ്കിൽ അവരെ ഒഴിവാക്കണമെന്നാണു നിർദേശം.

പാർട്ടിയെ പ്രതിരോധത്തിലാക്കുന്ന പരാമർശങ്ങൾ‌ നേതാക്കളുടെ ഭാഗത്തുനിന്ന് ഉണ്ടാകാൻ പാടില്ല. നേതാക്കൾ ലളിത ജീവിതം നയിക്കണം – തുടങ്ങിയ നിര്‍ദേശങ്ങളടങ്ങിയ സർ‌ക്കുലര്‍ ബിജെപി നേതാക്കൾക്കു കൈമാറും. തിരഞ്ഞെടുപ്പുകളിൽ കഴിവിനു മാത്രം പ്രാധാന്യം നൽകിയായിരിക്കും സ്ഥാനാർഥി നിർണയം നടക്കുക. ഇതു ലംഘിച്ചാൽ നേതാക്കൾ കര്‍ശന നടപടി നേരിടേണ്ടിവരും. ആശ്രിതർക്കു പാർട്ടി ടിക്കറ്റ് നൽകുന്നതിനു ദേശീയ അധ്യക്ഷൻ അമിത് ഷായുടെ പ്രത്യേക അനുമതി വാങ്ങണം. മാധ്യമങ്ങളിൽ നിന്നും അകലം പാലിച്ച് തിരഞ്ഞെടുപ്പിൽ ശ്രദ്ധിക്കാനും മോദി നേതാക്കളോടു സർക്കുലറിൽ വ്യക്തമാക്കി.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.