ജോൺ എഫ്. കെന്നഡി എയർപോർട്ടിൽ നിന്നും സുഹൃത്ത് ആന്റണി വിളിച്ചപ്പോൾ അൽപ്പം അമ്പരപ്പെടാതിരുന്നില്ല, നാട്ടിൽ പോകുന്ന കാര്യവും സമയവും ഒക്കെ അറിയാമായിരുന്നു. ചെക്കിൻ ചെയ്തു വെറുതേ ഇരുന്നപ്പോൾ വിളിക്കാൻ തോന്നിയത്രേ. എന്തെങ്കിലും ഗൗരവമായ കാര്യം തോന്നുമ്പോളാണ് ആന്റണി വിളിക്കാറുള്ളത്. അൽപ്പം  അങ്കലാപ്പിലാണ് പുള്ളിക്കാരൻ എന്ന് തോന്നാതിരുന്നില്ല. അത് യാത്രയെക്കുറിച്ചായിരുന്നില്ല, റഷ്യയുടെ യുക്രെയ്ൻ അധിനിവേശം ആണെങ്കിലും, അതൊരു ആണവ ദുരന്തമായി മാറിയാൽ നമ്മുടെ ന്യൂയോർക്കിനെ  ബാധിക്കാതിരിക്കയില്ല എന്നാണ് ആൻറണിയുടെഭയം. എന്തു ചെയ്യും? സകലതും നശിച്ചുപോകില്ലേ? .

ഞാൻ അൽപ്പം തമാശ്ശകലർത്തി സമാധാനിപ്പിക്കാൻ ശ്രമിച്ചു. ഏതായലും ആലപ്പുഴയിൽ പണിതുയർത്തിയ ഇഷ്ട്ടപ്പെട്ട വീടിന്റെ അവസാന മിനുക്കുപണികൾക്കാണ് പോകുന്നത്, അതേതായാലും നന്നായി. റഷ്യക്കാരൻ ഏതായാലും അവിടെയൊന്നും കൊണ്ടിട്ടു തകർക്കില്ല, ഹൗസ് ബോട്ടുകൾ ഉള്ളത് അടുപ്പിച്ചു നിറുത്തിയേക്കണം, കുറച്ചുനാൾ ഒഴുകിനടക്കാനായുള്ള എല്ലാ ക്രമീകരണങ്ങളും ചെയ്തോളൂ , ഞങ്ങളും അങ്ങ് എത്തിയേക്കാം.

അതെങ്ങനാ ഫ്ലൈറ്റ് എല്ലാം നിറുത്തിക്കഴിഞ്ഞാൽ പിന്നെ എന്തെടുക്കും? വല്ലകപ്പലും പിടിച്ചു അങ്ങ് ചെല്ലാം മാഷേ, ഇപ്പൊ സമാധാനായി പോയിവരൂ തല്ക്കാലം ഒന്നും സംഭവിക്കില്ല. കപ്പലിൽ കയറാൻ പറ്റിയിട്ടുവേണ്ടേ? കുട്ടികൾ ഒക്കെ ന്യൂയോർക്കിലല്ലേ, എന്ത് സമാധാനത്തിലാണ് ഇവിടെനിന്നും പോകുക? നമ്മൾ വിചാരിക്കുന്നപോലെയല്ല കാര്യങ്ങൾ പോകുന്നത് കണ്ടിട്ട്. ആ മഹാപാപി പുട്ടിൻ ന്യൂക്ലിയർ സാധനം തുടച്ചുമിനുക്കി വച്ചേക്കാൻ പറഞ്ഞത്രേ. നാട്ടിലോട്ട് പോകാൻ  പറ്റിയ രാഷ്ട്രീയ സാഹചര്യമല്ല അവിടെയിപ്പോൾ. ന്യൂയോർക്കിൽ അൽപ്പം മനസമാധാനത്തോടെ ജീവിക്കാമെന്നായിരുന്നു വിചാരിച്ചിരുന്നത്. ഇതിപ്പോൾ ഇങ്ങനെയുമായി. 

റഷ്യ വൻ യുദ്ധസന്നാഹം ഒരുക്കുന്നു എന്ന് ബൈഡൻ ആണയിട്ടു പറഞ്ഞിട്ട് അത്ര വിശ്വസിച്ചിരുന്നില്ല. യുക്രെയ്ൻകാരുപോലും ഇത്തരം ഒരു സമ്പൂർണ്ണ പിടിച്ചടക്കലിനു റഷ്യ തയാറാവുമോ എന്നുവിശ്വസിച്ചില്ല; അമേരിക്ക വെറുതെ പറഞ്ഞു വെരുട്ടുകയാണ് എന്നാണ് യുക്രെയ്ൻ പ്രസിഡന്റ് വ്ലാഡിമിർ സിലിൻസ്കി പോലും പറഞ്ഞുകൊണ്ടിരുന്നത്. അടിക്കടി ഉണ്ടായികൊണ്ടിരുന്ന സൂക്ഷ്മമായ അമേരിക്കൻ മുന്നറിയിപ്പിന്റെ അടിസ്ഥാനത്തില്‍ എങ്ങനെ ഒരു വൻഅധിനിവേശത്തെ തടുക്കണം എന്ന് അറിഞ്ഞു പ്രവര്‍ത്തിക്കാന്‍ യുക്രെയ്‌നും മറ്റു അതിർത്തി രാജ്യങ്ങൾക്കും കഴിഞ്ഞു എന്നത് ഒരു ചെറിയ കാര്യമല്ല. യുക്രെയ്നെ പ്രകോപിച്ചു യുദ്ധത്തിൽ ചാടിക്കാൻ പുട്ടിൻ അണിയിച്ചൊരുക്കിയ കപട യുദ്ധനാടക ശ്രമങ്ങൾ പോലും കൃത്യമായി തുറന്നുകാട്ടുവാൻ അമേരിക്കക്കു കഴിഞ്ഞു. 

കടുത്ത ഉപരോധങ്ങൾവഴി റഷ്യയെ ഒറ്റപ്പെടുത്തി സാമ്പത്തീകമായി തകർക്കുമെന്നും അമേരിക്കയും യൂറോപ്പും ഒരേ ശബ്ദത്തിൽ പറഞ്ഞത് പാഴ്‌വാക്കല്ല എന്നു തെളിഞ്ഞു. ഇനി എത്രനാൾ യുക്രെയിനിന്റെ  പ്രതിരോധവും രാജ്യാന്തര ഇടപെടലുകളും, സാമ്പത്തിക ആഭ്യന്തര പ്രശ്നങ്ങളും നേരിടാനാവും എന്നത് റഷ്യക്ക് ഇപ്പോൾ കടുത്ത വെല്ലുവിളിയാണ്. ഇതിൽനിന്നും എങ്ങനെ പുറത്തുകടക്കാനാവും? അപ്പോൾ പിന്നെ നിരാശയുടെ അടിത്തട്ടിൽനിന്നും സർവ്വസംഹാരിയായ ആണവായുധം പുറത്തെടുക്കില്ലേ എന്നതാണ് എല്ലാവരും ഇപ്പോൾ ഭയപ്പെടുന്നത്. ഇതിനിടയിൽ മിസൈൽമാൻ എന്നറിയപ്പെടുന്ന നോർത്ത് കൊറിയൻ നേതാവ് കിം ജോങ് എന്തെങ്കിലും വികൃതി കാണിക്കുമോ? യൂറോപ്പിലെ ഏറ്റവും വലിയ ആണവ നിലയമായ യുക്രെയിനിലെ സ്‌പോർഷ്യ ആണവനിലയം റഷ്യ ആക്രമിച്ചു, അവശേഷിക്കുന്ന ആണവ നിലയങ്ങളും എല്ലാ നിയന്ത്രണങ്ങളും തങ്ങളിലേക്ക് ചുരുക്കുവാൻ റഷ്യയ്ക്ക് അധികം നേരം വേണ്ടിവരില്ല. യുക്രെയ്‌നു അധികം മണിക്കൂറുകൾ ഇനി പിടിച്ചുനിൽക്കാനാവില്ല എന്നാണ് തോന്നുന്നത്. ഒട്ടും ആശാവഹമല്ല കാര്യങ്ങളുടെ പോക്ക്.  

അമേരിക്കയുടെ ഏറ്റവും പുതിയ ആണവ ഭീഷണിയിൽ ന്യൂയോർക്ക് നഗരം ബോംബ് ഷെൽട്ടറുകളാൽ പാകമായ മറ്റൊരു യുഗത്തിലേക്ക് മടങ്ങുമായിരിക്കും. യുഎസ് തീരത്ത് ദുരന്തമുണ്ടാക്കുന്ന മിസൈൽ വിക്ഷേപിക്കുമെന്ന് ഉത്തര കൊറിയ ഭീഷണിപ്പെടുത്തുന്നതിന് പതിറ്റാണ്ടുകൾക്ക് മുമ്പ്, സോവിയറ്റ് യൂണിയനിൽ നിന്നുള്ള ആക്രമണം ഉറപ്പാണെന്ന് തോന്നിയപ്പോൾ, റെഡി-ഗോ ഫാൾഔട്ട് ഷെൽട്ടറുകൾ നിർമ്മിക്കാൻ ന്യൂയോർക്ക് നഗരം ശ്രമിച്ചു. 1961-ൽ റഷ്യ പാശ്ചാത്യ രാജ്യങ്ങൾക്ക് മുന്നറിയിപ്പ് നൽകി, "നിങ്ങളുടെ ചെറുതും ജനസാന്ദ്രതയുള്ളതുമായ രാജ്യങ്ങളെ തുടച്ചുനീക്കുന്നതിനും നിങ്ങളുടെ ഗുഹകളിൽ നിങ്ങളെ തൽക്ഷണം കൊല്ലുന്നതിനും വളരെ കുറച്ച് മൾട്ടിമെഗാട്ടൺ ആണവ ബോംബുകൾ മാത്രമേ ആവശ്യമുള്ളൂ. അവരുടെ മഞ്ഞ-കറുപ്പ് ശീതയുദ്ധ കാലത്തെ മുന്നറിയിപ്പ് അടയാളങ്ങൾ ബിഗ് ആപ്പിളിലുടനീളം ഇപ്പോഴും നിലനിൽക്കുന്നു.  

1960 ന് ശേഷം ഉയർന്നുവരാൻ തുടങ്ങിയ  ഈ കോൺക്രീറ്റ് മാളങ്ങൾ കൂടുതലും ജനലുകളില്ലാത്ത മുറികൾ ആണ് - അവയിൽ പലതും ഇപ്പോൾ സ്റ്റോറേജ് റൂമുകളാണ് . തുടർന്ന് ന്യൂയോർക്ക് ഗവർണർ നെൽസൺ റോക്ക്ഫെല്ലർ ഒരു ഷെൽട്ടർ പ്രോഗ്രാം ആരംഭിച്ചു, സോവിയറ്റ് ആക്രമണത്തിൽ അദ്ദേഹം ഉറച്ചുനിന്നു. നഗരത്തിലുടനീളം ഷെൽട്ടറുകൾ ഉയർന്നുവരാൻ തുടങ്ങി - റെസിഡൻഷ്യൽ കെട്ടിടങ്ങളിൽ മാത്രമല്ല, ലോവർ മാൻഹട്ടനിലെ ചെയ്‌സ് ആസ്ഥാനത്തിന്റെ ബേസ്‌മെന്റ്, വാൾഡോർഫ്-അസ്റ്റോറിയയിലും ബ്രൂക്ക്ലിൻ പാലത്തിന്റെ അടിത്തട്ടിലും പോലും. 11,703,090 പേർക്ക് താമസിക്കാവുന്ന ഷെൽട്ടറുകളാണ് അപ്പോൾ ഉദ്ദേശിച്ചത്. ഫാൾഔട്ട് ഷെൽട്ടറുകളുടെ അടയാളങ്ങൾ നിലനിൽക്കുമെങ്കിലും, പലതും കാലം കഴിഞ്ഞപ്പോൾ സ്റ്റോറേജ് അല്ലെങ്കിൽ അലക്കു മുറികളാക്കി മാറ്റി - ഇവയ്ക്കു ആണവആക്രമണത്തെ നേരിടാൻ കഴിയില്ലെന്നു പിൽക്കാലത്തു തിരിച്ചറിഞ്ഞു.

ഷെൽട്ടറുകൾ നിർമ്മിക്കുമ്പോൾ, ആണവ സ്ഫോടനത്തെത്തുടർന്ന് നിവാസികൾ കുറഞ്ഞത് രണ്ടാഴ്ചയെങ്കിലും അവിടെ തുടരാൻ ശുപാർശ ചെയ്തു. മൂന്ന് മാസമെങ്കിലും ആളുകൾ ഷെൽട്ടറിൽ ഉറങ്ങാൻ നിർദ്ദേശിച്ചു. അത്യാവശ്യം ഭക്ഷണംവും മരുന്നുകളും വളരെക്കാലം അവിടെ ഉണ്ടായിരുന്നു. ഒരു ആണവ ആക്രമണമുണ്ടായാൽ ന്യൂയോർക്ക് നിവാസികളെ സംരക്ഷിക്കാൻ മിക്ക ഫാൾഔട്ട് ഷെൽട്ടറുകളും കാര്യമായൊന്നും ചെയ്യുമായിരുന്നില്ല. വാസ്തവത്തിൽ, 6 ചതുരശ്ര അടി അനുസരിച്ച്, ജനലുകളില്ലാത്ത മുറിയിൽ താമസിക്കുന്നതുമായി ബന്ധപ്പെട്ട മാനസീക പ്രത്യാഘാതങ്ങൾ കാരണം മിക്ക ന്യൂയോർക്കുകാർക്കും ഫാൾഔട്ട് ഷെൽട്ടറുകളിൽ താമസിക്കാൻ പോലും താൽപ്പര്യമില്ലായിരുന്നു എന്ന് പറയുന്നതാകും ശരി. 2006-ൽ, മാൻഹട്ടൻ ഭാഗത്തുള്ള പാലത്തിന്റെ ഫൗണ്ടേഷനുകളിലൊന്നിലെ നിലവറയിൽ നിന്ന് നഗരത്തിലെ തൊഴിലാളികൾ ഒരു ടൈം ക്യാപ്‌സ്യൂൾ കണ്ടെത്തി. വാട്ടർ ഡ്രമ്മുകൾ, മെഡിക്കൽ സപ്ലൈസ്, പേപ്പർ ബ്ലാങ്കറ്റുകൾ, മയക്കുമരുന്നുകൾ, കലോറി നിറഞ്ഞ സ്‌നാക്‌ബാറുകൾ എന്നിവയാൽ നിറഞ്ഞ ശേഖരമായിരുന്നു ഇത്.

ഇതുമായി ബന്ധപ്പെട്ട രസകരമായ ഒരു വസ്തുത കൂടിയുണ്ട്: ഫ്ലഷിംഗ് മെഡോസ് പാർക്കിന് താഴെ ഇപ്പോഴും മറഞ്ഞിരിക്കാവുന്ന ഒരു ഭൂഗർഭ ബോംബ് ഷെൽട്ടർ/ആഡംബര വീട് ഉണ്ടായിരുന്നു. ജെയ് സ്വെയ്‌സിന്റെ ഉടമസ്ഥതയിലുള്ള, വീടിന്റെ ഒരു ലേഔട്ട് 1964-ലെ വേൾഡ് ഫെയറിൽ പ്രത്യക്ഷപ്പെട്ടു. ഉത്കണ്ഠാകുലരായ പൊതുജനങ്ങൾക്ക് മെച്ചപ്പെട്ട താമസസൗകര്യങ്ങൾ നൽകുന്നതിനായി നിലവിലുള്ള നിരവധി ബോംബ് ഷെൽട്ടറുകളുടെ ക്വാർട്ടേഴ്‌സ് അപ്‌ഡേറ്റ് ചെയ്യാൻ സ്വയ്‌സ് ആഗ്രഹിച്ചിരുന്നു. ഹാൾ ഓഫ് സയൻസിനും പോർട്ട് അതോറിറ്റി ഹെലിപോർട്ടിനും ഇടയിലാണ് സ്വൈസിന്റെ ഭൂഗർഭ ഭവനത്തിന്റെ മാതൃക നിർമ്മിച്ചത്. ഇത് ബ്ലോക്ക് 50, ലോട്ട് 5 എന്ന് വിളിക്കപ്പെട്ടു, കൂടാതെ 5000,000 മുതൽ ഒരു ദശലക്ഷം വരെ സന്ദർശകരുണ്ടായിരുന്നതായി Swayze, Fair സംഘാടകർ പറയുന്നു. മൂന്ന് കിടപ്പുമുറികൾ, 20 ഇഞ്ച് കനത്തിൽ ഭൂകമ്പത്തെ പ്രതിരോധിക്കുന്ന സ്റ്റീൽ ഷെൽ, എയർ കണ്ടീഷനിംഗ് എന്നിവ ഉൾപ്പെടുന്ന 5,600 ചതുരശ്ര അടി ന്യൂക്ക് പ്രൂഫ് ലക്ഷ്വറി സ്പേസിലേക്ക് പ്രവേശിക്കാൻ സന്ദർശകർക്ക് ഒരു ഗോവണി ഇറങ്ങേണ്ടി വന്നു. പല ചരിത്രകാരന്മാർക്കും ഈ കെട്ടിടം പൂർണ്ണമായും പൊളിച്ചുമാറ്റിയതായി ബോധ്യപ്പെട്ടിട്ടില്ല (അവലംബം: ന്യൂയോർക്ക് സിറ്റി ഫൺ ഫാക്ടസ്) .  

അതിശയകരമെന്നു പറയട്ടെ, മിക്ക ഫാൾഔട്ട് ഷെൽട്ടറുകളും പതിവ് ഉപയോഗത്തിലേക്ക് പരിവർത്തനം ചെയ്യപ്പെട്ടു, അതിനുശേഷം ഫാൾഔട്ട് ഷെൽട്ടർ സംവിധാനം അവസാനിച്ചു. പ്രോഗ്രാം സ്പോൺസർ ചെയ്ത ഏജൻസി 1979-ൽ അവസാനിപ്പിച്ചു. എന്നാൽ അവശേഷിക്കുന്നത്, കണ്ണഞ്ചിപ്പിക്കുന്ന ത്രികോണ ചിഹ്നവും പ്രതിഫലിപ്പിക്കുന്ന പെയിന്റും ഉപയോഗിച്ച് "FALLOUT SHELTER" എന്ന് വായിക്കുന്ന പല കറുപ്പും മഞ്ഞയും പ്ലക്കാർഡുകളാണ്. സിവിൽ ഡിഫൻസ് മ്യൂസിയം അനുസരിച്ച്, അടയാളങ്ങൾ ആറ് പോയിന്റുകൾ സൂചിപ്പിക്കുന്നു: 1. റേഡിയേഷനിൽ നിന്നുള്ള സംരക്ഷണം; 2. ഭക്ഷണവും വെള്ളവും; 3. പരിശീലനം ലഭിച്ച നേതൃത്വം; 4. മെഡിക്കൽ വിതരണവും സഹായവും; 5. പുറം ലോകവുമായുള്ള ആശയവിനിമയം; 6. സുരക്ഷിതമായ പ്രദേശങ്ങളും വീട്ടിലേക്ക് മടങ്ങാനുള്ള സമയവും നിർണ്ണയിക്കുന്നതിനുള്ള റേഡിയോളജിക്കൽ നിരീക്ഷണം. (അവലംബം - അൺ ടാപ്പേഡ് ന്യൂയോർക്ക്). 

മുൻ ഷെൽട്ടറുകൾ അവിടെയുണ്ടെന്ന് അറിയാം. മഞ്ഞ അടയാളങ്ങൾക്കായി നോക്കാനും ആ കെട്ടിടങ്ങൾ കണ്ടെത്താനും ആകാംഷകൂടി. അതുകൊണ്ടു ജോലിസ്ഥലത്തുനിന്നും ഏറ്റവും അടുത്ത ഒരു ഫാൾഔട്ട് ഷെൽട്ടർ ഗൂഗിൾ മാപ്പിൽ നിന്നും കണ്ടുപിടിച്ചു അവിടേക്കു നടന്നു, അവിടെ അതിന്റെ ഒരു പാടുകളും പ്രത്യക്ഷത്തിൽ കാണാൻ സാധിച്ചില്ല. എന്നാൽ അണ്ടർഗ്രൗണ്ട് നിലവറകൾ അവിടെതന്നെകാണുമായിരിക്കും. അതിനാൽ അടുത്ത തവണ നിങ്ങൾ ന്യൂയോർക്ക് സിറ്റിയിൽ പോകുമ്പോൾ, ഫാൾഔട്ട് ഷെൽട്ടറുകളുടെ അടയാളങ്ങൾക്കായി നിങ്ങളുടെ കണ്ണുകൾ തുറന്നിടുക-കാരണം നിങ്ങൾ നടന്ന കെട്ടിടത്തിന് ഇപ്പോൾ ഉള്ളതിനേക്കാൾ വളരെ രസകരമായ ഒരു ഉദ്ദേശ്യം ഉണ്ടായിരുന്നിരിക്കാം.

അമേരിക്കക്കാർ, തലമുറകളായി, സമൂഹത്തിന്റെ തകർച്ചയ്ക്ക് സ്വയം തയ്യാറെടുത്തിട്ടുണ്ട്. ശീതയുദ്ധകാലത്ത് അവർ ഫാൾഔട്ട് ഷെൽട്ടറുകളും Y2K ന് മുമ്പായി ബേസ്മെൻറ് വിതരണ കാഷുകളും നിർമ്മിച്ചു. കാര്യമൊക്കെ ഇതാണെങ്കിലും 60 വർഷത്തിന് ശേഷം വീണ്ടും ഈ ദുർഭൂതംപുറത്തുചാടി, ആണവഭീതി. അത് അമേരിക്കയുടെ ഹൃദയഭാഗമായ ന്യൂയോർക്കിൽത്തന്നെ. മാർച്ചിലെ കനത്തതണുപ്പിൽ അവിടെ അരിച്ചുപെറുക്കിനോക്കി. നഗരം ഒന്നുമറിയാത്തപോലെ പോകുന്നു. എവിടേയോ ഉയരുന്ന ഭീതിയുടെ കരിനിഴൽ അവിടെ തങ്ങിനിൽക്കുന്നില്ലേ എന്ന് ശങ്കിച്ചു. ലോകത്തിന്റെ ഭൂപടം ഇത്രവേഗം മാറ്റിവരക്കാനാവുമെന്നു വിചാരിച്ചില്ല. ഇതൊക്കെ എത്ര കാലം ഇങ്ങനെ നിലനിൽക്കും.