സ്വകാര്യ ബസുകാർ തമ്മിൽ തർക്കം; അര മണിക്കൂറോളം ഗതാഗതതടസ്സം

മാന്നാർ ∙ സ്വകാര്യ ബസുകളുടെ തർക്കത്തിൽ അര മണിക്കൂറോളം ഗതാഗതതടസ്സം. മാന്നാർ വായനശാല ജംക്‌ഷനിലാണ് ഇന്നലെ രണ്ടു സ്വകാര്യ ബസുകാർ തമ്മിൽ ഏറ്റുമുട്ടിയത്. പാതയിൽ അഞ്ചും പത്തും മിനിറ്റുകളുടെ വ്യത്യാസത്തിലാണ് ബസുകൾ സർവീസ് നടത്തുന്നത്. സമയത്തെച്ചൊല്ലിയാണ് ബസ് ജീവനക്കാർ തമ്മിൽ തർക്കമുണ്ടായതെന്ന് യാത്രക്കാർ പറഞ്ഞു. ആംബുലൻസ് വന്നതോടെയാണ് ഗതാഗതക്കുരുക്ക് അഴിഞ്ഞത്. ഈ പാതയിൽ സ്വകാര്യ ബസുകൾ മാത്രമാണ് സർവീസ് നടത്തുന്നത്. ബസുകാർ തമ്മിലുള്ള തർക്കങ്ങൾ ഇവിടെ സ്ഥിരം സംഭവമാണ്.