പനയന്നൂർക്കാവ് ത്രിപുര സുന്ദരി ക്ഷേത്രം അംബായജ്ഞത്തിന് ഭക്തജനപ്രവാഹം

എടത്വ ∙ തലവടി പനയന്നൂർക്കാവ് ത്രിപുര സുന്ദരി ക്ഷേത്രത്തിൽ ആരംഭിച്ച അംബായജ്ഞത്തിൽ ദിവസേന എത്തുന്നത് നൂറുകണക്കിന് ഭക്തർ. യജ്ഞാചാര്യൻ പ്രഭാകരൻ നമ്പൂതിരി പുല്ലയിൽ ഇല്ലം, ഉപ ആചാര്യൻ ഉണ്ണിക്കൃഷ്ണൻ നമ്പൂതിരി, യജ്ഞ പൗരാണികർ പാതാരം ചന്ദ്രബാബു, ശൂരനാട് രാജേന്ദ്രൻ എന്നിവരുടെ നേതൃത്വത്തിലാണ് അംബായജ്ഞം നടക്കുന്നത്. ഇന്ന് 3 ന് ക്ഷേത്രത്തിൽ നടക്കുന്ന ചടങ്ങിൽ കൃഷ്ണശിലയിൽ നിർമിച്ച കൊടിമരത്തിന് ലഭിച്ച യുആർഎഫ് ലോക റെക്കോർഡ് വിളംബരം ഗോവ ഗവർണർ പി.എസ് ശ്രീധരൻ പിള്ള നിർവഹിക്കും. യുആർഎഫ് വേൾഡ് റെക്കോർഡ് ചീഫ് എഡിറ്റർ ഡോ.ഗിന്നസ് സുനിൽ ജോസഫ്, ഏഷ്യ ജൂറി ഡോ.ജോൺസൺ വി. ഇടിക്കുള എന്നിവർ പങ്കെടുക്കും.

തലവടി ഗ്രാമ പഞ്ചായത്ത് പ്രസിഡന്റ് ഗായത്രി ബി.നായർ അധ്യക്ഷത വഹിക്കും തന്ത്രി നീലകണ്ഠരര് ആനന്ദ് പട്ടമന അനുഗ്രഹ പ്രഭാഷണം നടത്തും. വൈകിട്ട് 6.30 ന് ശ്രീഭദ്ര സംഗീത വിദ്യാലയം തലവടിയുടെ നേതൃത്വത്തിൽ സംഗീതാർച്ചന നടക്കും. നാളെ 6.30 ന് സംഗീതാമൃത നിവേദ്യം, 29 ന് 6 ന് എം.ജി ഒമനക്കുട്ടിയമ്മയും മകൾ ഡോ.കമല ലക്ഷ്മിയും അവതരിപ്പിക്കുന്ന ഗാനസുധ.30ന് 6 ന് കുട്ടികളുടെ അരങ്ങേറ്റം. ചമ്പക്കുളം ബ്ലോക്ക് പഞ്ചായത്ത് അംഗം അജിത് പിഷാരത്ത് ഉദ്ഘാടനം ചെയ്യും. തന്ത്രി നീലകണ്ഠരര് ആനന്ദ് പട്ടമന അനുഗ്രഹ പ്രഭാഷണം നടത്തും.

1 ന് 9 ന് വിശേഷാൽ പൂജകൾ, കൃഷ്ണശില ധ്വജസ്തംഭ വിശ്വ മാതൃസമർപ്പണം മുഞ്ചിറ മഠം മൂപ്പിൽ സ്വാമിയാർ പരമേശ്വര ബ്രഹ്മാനന്ദ തീർഥ സ്വാമിയാർ, ശങ്കരനാരായണ ബ്രഹ്മാനന്ദ തീർഥ സ്വാമിയാർ എന്നിവർ കാർമികത്വം വഹിക്കും. 5ന് സ്വീകരണം, തുടർന്ന് സംഗീതക്കച്ചേരി.  2ന് 10ന് യജ്ഞ സമർപ്പണം. യോഗക്ഷേമസഭ സംസ്ഥാന പ്രസിഡന്റ് അക്കീരമൺ കാളിദാസ ഭട്ടതിരി, ജനറൽ സെക്രട്ടറി കെ.പി. കൃഷ്ണൻ പോറ്റി, വനിത പ്രസിഡന്റ് മല്ലിക നമ്പൂതിരി, ജന. സെക്രട്ടറി വത്സല കെ.എൻ.പണിക്കത്ത് എന്നിവരെ ആദരിക്കൽ ചടങ്ങും നടക്കും.

വിദ്യാരാജ്ഞി യജ്ഞം ഒക്ടോബർ 2ന് രാവിലെ 10.30 ന് ആരംഭിച്ച് 5 ന് സമാപിക്കും. ചടങ്ങുകൾക്ക് തന്ത്രി പരമേശ്വർ നീലകണ്ഠരര് ആനന്ദ് പട്ടമന ഇല്ലം മുഖ്യ കാർമികത്വം വഹിക്കും. 3 ന് 10 ന് വ്യക്തിത്വ വികസനവും, ഹൈന്ദവ സംസ്കാരവും രാജേഷ് നാദാപുരം ക്ലാസ് നയിക്കും. 6 ന് നൃത്തസന്ധ്യ. 4 ന് 7 മുതൽ 8.30 വരെ കളരി യോഗ പ്രതഞ്ജലി സമീക്ഷ സന്തോഷ് ഗുരുക്കൾ നയിക്കും. 5 ന് നാദസദ്യ, രാത്രി 7.30 ന് ശാസ്ത്രീയ നൃത്തസന്ധ്യ. 5 ന് പുലർച്ചെ 5 ന് പൂജയെടുപ്പ്, 6 മുതൽ 10.30 വരെ വിദ്യാരംഭം കുറിക്കൽ ചടങ്ങുകൾ എന്നിവ നടക്കും. ചെയർമാൻ പി.ആർ.വിശ്വനാഥൻ നായർ, പ്രസിഡന്റ് ഗോപകുമാർ രാധാ ജൂവൽസ്, പിആർഒ മനോഹരൻ വെറ്റിലക്കണ്ടം എന്നിവർ നേതൃത്വം നൽകും.