യുവതി ഭർതൃവീട്ടിൽ തൂങ്ങിമരിച്ച നിലയിൽ; ഭർത്താവ് അറസ്റ്റിൽ
![മരിച്ച നീതുമോൾ,
അറസ്റ്റിലായ
ഉണ്ണി](https://img-mm.manoramaonline.com/content/dam/mm/mo/district-news/alappuzha/images/2023/6/6/alappey-neethu.jpg?w=1120&h=583)
Mail This Article
അരൂർ∙ ഭർതൃവീട്ടിൽ യുവതിയെ തൂങ്ങി മരിച്ച നിലയിൽ കണ്ടെത്തി. സംഭവത്തിൽ ഭർത്താവിനെ അരൂർ പൊലീസ് അറസ്റ്റ് ചെയ്തു. കടക്കരപ്പള്ളി ഗ്രാമ പഞ്ചായത്ത് മൂന്നാം വാർഡ് പുത്തൻ പുരയ്ക്കൽ ലതിക ഉദയന്റെ മകൾ നീതുമോൾ (33) ആണ് മരിച്ചത്. അരൂർ ഗ്രാമ പഞ്ചായത്ത് 4–ാം വാർഡിൽ പള്ളിയറക്കാവ് കാക്കപ്പറമ്പിൽ ഭർതൃവീട്ടിലായിരുന്നു സംഭവം.
നീതുമോളുടെ അമ്മയുടെ പരാതിയിലാണ് ഭർത്താവ് കെ.എസ്.ഉണ്ണിയെ പൊലീസ് അറസ്റ്റ് ചെയ്തത്. 2011-ലായിരുന്നു ഇവരുടെ വിവാഹം. അന്നു മുതൽ നീതുവിനെ മാനസികമായി പീഡിപ്പിക്കുകയും ശാരീരികമായി ഉപദ്രവിക്കുകയും ചെയ്തിരുന്നതായി ബന്ധുക്കൾ പറയുന്നു. നീതു സ്വന്തം വീട്ടിലേക്ക് പോയിരുന്നു.
എന്നാൽ അപ്പോഴൊക്കെ വഴക്ക് രമ്യമായി പറഞ്ഞു തീർത്ത് നീതുവിനെ വീട്ടിലേക്ക് കൂട്ടിക്കൊണ്ടുവരികയായിരുന്നു പതിവെന്ന് പൊലീസ് പറഞ്ഞു. പ്രതിയെ റിമാൻഡ് ചെയ്തു. മക്കൾ: അഭിനവ് കൃഷ്ണ, ആഗിഷ് കൃഷ്ണ, അവന്തിക കൃഷ്ണ.