വയോധികയെ ഭർത്താവ് വെട്ടിപ്പരുക്കേൽപ്പിച്ചു
![crime-knife-murder പ്രതീകാത്മക ചിത്രം.](https://img-mm.manoramaonline.com/content/dam/mm/mo/news/just-in/images/2023/4/20/crime-knife-murder.jpg?w=1120&h=583)
Mail This Article
ചെങ്ങന്നൂർ∙ അടുക്കളയിൽ പാചകം ചെയ്തുകൊണ്ടിരുന്ന വയോധികയെ ഭർത്താവ് വെട്ടിപ്പരുക്കേൽപ്പിച്ചു. മുളക്കുഴ പഞ്ചായത്ത് പതിനൊന്നാം വാർഡ്കൊഴുവല്ലൂർ തുണ്ടത്തിൽ കിഴക്കേതിൽ അമ്മിണി ബാബു (70) വിനാണ് വെട്ടേറ്റത്. ഭർത്താവ് എം.ടി ബാബുവിനെ (72) ചെങ്ങന്നൂർ എസ്ഐ എം.സി അഭിലാഷിന്റെ നേതൃത്വത്തിലുള്ള സംഘം കസ്റ്റഡിയിലെടുത്തു.
ഇന്ന് രാവിലെ ഏഴരയോടെ അടുക്കളയിൽ പാചകം ചെയ്തു കൊണ്ടിരുന്ന അമ്മിണിയെ പിന്നിൽ നിന്നെത്തിയ ബാബു വെട്ടുകത്തികൊണ്ട് വെട്ടിപ്പരുക്കേൽപ്പിക്കുകയായിരുന്നു എന്ന് പൊലീസ് പറഞ്ഞു. നിലവിളി കേട്ടത്തിയ അയൽവാസികളാണ് അമ്മിണിയെ ആശുപത്രിയിൽ എത്തിച്ചത്.
അമ്മിണിയുടെ നെറ്റിയുടെ ഇടത്ത് വശത്തും ഇടത്തു കൈയ്ക്കും മുറിവേറ്റിട്ടുണ്ട്. തലക്ക് അടിയും ഏറ്റിട്ടുണ്ട്. ഇവരെ ആദ്യംചെങ്ങന്നൂർ ജില്ലാ ആശുപത്രിയിലും പിന്നീട് കോട്ടയം മെഡിക്കൽ കോളേജ് ആശുപത്രിയിലും പ്രവേശിപ്പിച്ചു. ഇയാൾ കുറെ നാളായി മാനസിക രോഗത്തിന് ചികിത്സയിലാണന്ന് പൊലീസ് പറഞ്ഞു. ഏകമകൾ വിദേശത്താണ്. അമ്മിണിയും ബാബുവും മാത്രമാണ് വീട്ടിലുള്ളത്.