ആലപ്പുഴ ജില്ലയിൽ ഇന്ന് (29-11-2023); അറിയാൻ, ഓർക്കാൻ

വൈദ്യുതി മുടക്കം
മുഹമ്മ ∙ സംസ്കൃത സ്കൂൾ, പാലയ്ക്കൽ, കുടിലിൽ കവല, ട്രാൻസ്ഫോമറുകളുടെ പരിധിയിൽ ഇന്ന് രാവിലെ 9 മുതൽ ഉച്ചയ്ക്ക് 1 വരെയും പുത്തനമ്പലം ഈസ്റ്റ്, കല്ലാപ്പുറം, ചന്ദ്രൻവെളി, കായിക്കര, സുമതിക്കാട് ട്രാൻസ്ഫോമറുകളുടെ പരിധിയിൽ ഉച്ചയ്ക്ക് 1 മുതൽ വൈകിട്ട് 6 വരെയും വൈദ്യുതി മുടങ്ങും.
തുറവൂർ∙ കുത്തിയതോട് വൈദ്യുതി സെക്‌ഷൻ കീഴിലെ ചമ്മനാട്, തട്ടാരുപറമ്പിൽ ഐസ്, മറ്റപ്പള്ളി കോൺവന്റ്, പുളിത്രക്കടവ്, എസ്എൻഎൻജിഎം കോളജ്, വളമംഗലം സൗത്ത് എന്നീ ഭാഗങ്ങളി‍ൽ ഇന്ന് രാവിലെ 8.30 മുതൽ വൈകിട്ട് 5 വരെ വൈദ്യുതി മുടങ്ങും.

നേത്രപരിശോധന  ക്യാംപ് 30ന് 
മുഹമ്മ ∙ മുഹിയുദ്ദീൻ ജുമാ മസ്ജിദ് കമ്മിറ്റിയും പാലാരിവട്ടം ചൈതന്യ ഐ ഹോസ്പിറ്റിലും ചേർന്ന് സംഘടിപ്പിക്കുന്ന സൗജന്യ നേത്രപരിശോധന തിമിര ശസ്ത്രക്രിയ ക്യാംപ് 30ന് രാവിലെ 9 മുതൽ 1 വരെ മദ്രസഹാളിൽ നടക്കും. ഗ്രാമപഞ്ചായത്ത് പ്രസിഡന്റ് സ്വപ്ന ഷാബു ഉദ്ഘാടനം ചെയ്യും. പ്രസിഡന്റ് എ.നാസർ അധ്യക്ഷനാകും. ഹെൽത്ത് ഇൻഷുറൻസ് കാർഡ്, ആധാർ കാർഡ്, റേഷൻകാർഡ് എന്നിവയുമായി എല്ലാവർക്കും ക്യാംപിൽ പങ്കെടുക്കാവുന്നതാണ്. മെഡിസിപ്പ് പ്രകാരമുള്ള ആനുകൂല്യം ലഭിക്കുന്നതാണ്.

ഒഴിവുകൾ
ബുധനൂർ ∙ ഗവ. എച്ച്എസ്എസിൽ എച്ച്എസ്എസ് വിഭാഗത്തിൽ  എച്ച്എസ്എസ്ടി കെമിസ്ട്രി (സീനിയർ) വിഷയത്തിൽ താൽക്കാലിക ഒഴിവുണ്ട്. കൂടിക്കാഴ്ച ഡിസംബർ 4ന് 10ന് സ്കൂളിൽ നടക്കും. ഭരണിക്കാവ്∙ എസ്എൻപിപിടിടിഐയിൽ നഴ്സറി ടീച്ചർ എജ്യുക്കേഷൻ കോഴ്സിൽ ഏതാനും സീറ്റുകൾ ഒഴിവുണ്ട്. എസ്‌സി, എസ്‌ടി കുട്ടികൾക്ക് ലംപ്സം ഗ്രാൻഡും സ്റ്റൈപ്പെൻഡും ലഭിക്കും.9447663204,8281458117.