ഹരിപ്പാട് റെയിൽവേ സ്റ്റേഷനിൽ 2 പേരെ കടിച്ച നായയ്ക്ക് പേവിഷബാധ
Mail This Article
×
ഹരിപ്പാട് ∙ ഹരിപ്പാട് റെയിൽവേ സ്റ്റേഷനിൽ രണ്ടു പേരെ കടിച്ച തെരുവു നായയ്ക്ക് പേവിഷബാധയെന്ന് പ്രാഥമിക നിഗമനം. ഇന്നലെ തിരുവല്ലയിലെ മൃഗസംരക്ഷണ വകുപ്പിന്റെ രോഗ നിർണയ ലാബിൽ നടത്തിയ പോസ്റ്റ്മോർട്ടം റിപ്പോർട്ടിലാണ് പേവിഷബാധ സ്ഥിരീകരിച്ചത്. ലാബിൽ നിന്നുള്ള റിപ്പോർട്ട് ഇന്നു നഗരസഭാ അധികൃതർക്കു ലഭിക്കും. റിപ്പോർട്ട് ലഭിച്ച ശേഷം തുടർ നടപടികൾ സ്വീകരിക്കുമെന്നു നഗരസഭാ ചെയർമാൻ കെ.എം.രാജു പറഞ്ഞു. റെയിൽവേ സ്റ്റേഷനിലെ ടിക്കറ്റ് കൗണ്ടറിനു മുന്നിൽ വച്ച് മുട്ടം സ്വദേശി ഹരിലാൽ (64), കരിപ്പുഴ സ്വദേശി ലാൽകുമാർ (62) എന്നിവർക്ക് തെരുവുനായയുടെ കടിയേറ്റത്. ഇവർ ആലപ്പുഴ മെഡിക്കൽ കോളജ് ആശുപത്രിയിൽ ചികിത്സ തേടിയിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
