പൂട്ടിയിട്ട വീടുകളിൽ കവർച്ച: നവദമ്പതികൾ പിടിയിൽ

ബെംഗളൂരു∙ നഗരത്തിലെ പൂട്ടിക്കിടക്കുന്ന വീടുകളിൽ കവർച്ച നടത്തുന്ന നവദമ്പതികളെ പൊലീസ് അറസ്റ്റ് ചെയ്തു. നാഗരാജു(24), രമ്യ(23) എന്നിവരാണ് പിടിയിലായത്. സ്വർണാഭരണങ്ങൾ, ബൈക്കുകൾ, മൊബൈൽ ഫോണുകൾ ഉൾപ്പെടെ 5 ലക്ഷം രൂപയുടെ മോഷണ വസ്തുക്കൾ ഇവരിൽ നിന്ന് പിടിച്ചെടുത്തു. മാച്ചോഹള്ളി, കെങ്കേരി എന്നിവിടങ്ങളിലെ 2 വീടുകളിലാണ് ഇവർ കവർച്ച നടത്തിയത്. രാജരാജേശ്വരി നഗറിൽ നിന്ന് 2 ബൈക്കുകളും മോഷ്ടിച്ചു. കെങ്കേരിയിലെ മോഷണത്തിനിടെ സിസിടിവി ക്യാമറയിൽ കുടുങ്ങിയതാണു പിടികൂടാൻ ഇടയാക്കിയത്.