നന്ദിനി പാലിന് 3 രൂപ വരെ കൂടിയേക്കും

ബെംഗളൂരു ∙ 4 മാസത്തിനിടെ നന്ദിനി പാലിന് വീണ്ടും വില കൂട്ടാൻ ഒരുങ്ങി കർണാടക മിൽക് ഫെഡറേഷൻ (കെഎംഎഫ്).  ലീറ്ററിന് 2–3 രൂപവരെ കൂട്ടാനാണ് സർക്കാരിനോട് കെഎംഎഫ് ശുപാർശ ചെയ്തിരിക്കുന്നത്. കാലിത്തീറ്റ ഉൾപ്പെടെയുള്ളവയുടെ വില കുതിച്ചുയർന്നതോടെ ക്ഷീരകർഷകർ കടുത്ത സാമ്പത്തിക പ്രതിസന്ധി നേരിടുന്ന സാഹചര്യത്തിൽ വില കൂട്ടാതെ മുന്നോട്ടുപോകാനാകില്ലെന്ന് മൃഗസംരക്ഷണ മന്ത്രി കെ.വെങ്കിടേഷ് നിയമസഭയിൽ പറഞ്ഞു.  ഇക്കഴിഞ്ഞ ജൂലൈയിലാണ് നന്ദിനി പാൽ ലീറ്ററിന് 3 രൂപ കൂട്ടിയത്.