വിസ്താര തിരുവനന്തപുരം സർവീസ് തുടങ്ങി

ബെംഗളൂരു∙ തിരുവനന്തപുരത്തേക്ക് വിസ്താര എയർലൈൻസ് 2 പ്രതിദിന വിമാന സർവീസുകൾ ആരംഭിച്ചു. ആദ്യ വിമാനം രാവിലെ 8.15ന് ബെംഗളൂരുവിൽ നിന്ന് പുറപ്പെട്ട് 9.30ന് തിരുവനന്തപുരത്ത് എത്തും. തിരികെ രാവിലെ 10.10 ന് പുറപ്പെട്ട് 11.20ന് ബെംഗളൂരുവിൽ എത്തും. രണ്ടാം വിമാനം രാവിലെ 5.55ന് തിരുവനന്തപുരത്ത് നിന്ന് പുറപ്പെട്ട് 7.15ന് ബെംഗളൂരുവിൽ എത്തും. തിരികെ രാത്രി 10.40ന് പുറപ്പെട്ട് 11.40ന് തിരുവനന്തപുരത്ത് എത്തും. ഇതോടെ തിരുവനന്തപുരം–ബെംഗളൂരു റൂട്ടിൽ പ്രതിദിന വിമാന സർവീസുകളുടെ എണ്ണം പത്തായി.