ശർക്കര ഉരുക്കിയപ്പോൾ ലഭിച്ചത് നിരോധിത ലഹരിവസ്തുവിന്റെ കൂട്

പിറവം∙ ഓണക്കിറ്റിൽ   ലഭിച്ച  ശർക്കര ഉരുക്കിയപ്പോൾ ലഭിച്ചത് നിരോധിത ലഹരിവസ്തുവിന്റെ കൂട്. പാഴൂർ കോട്ടപ്പുറത്ത് ജോയിക്ക് ലഭിച്ച ശർക്കരയിലാണ് കൂട് കണ്ടെത്തിയത്.  കോട്ടപ്പുറത്തുള്ള റേഷൻ കടയിൽ നിന്നാണ് ഇവർക്ക് കിറ്റ് ലഭിച്ചത്.  ആ സമയത്ത്  ക്വാറന്റീനിലായിരുന്നതിനാൽ ഇന്നലെയാണ് പലഹാരം തയാറാക്കുന്നതിനായി ശർക്കര ഉരുക്കിയതെന്ന് ജോയിയുടെ ഭാര്യ സാറാമ്മ പറഞ്ഞു.ശർക്കര പാനിയും കൂടും ഇവർ സൂക്ഷിച്ചിട്ടുണ്ട്.