പുതിയ വോട്ടർ പട്ടിക: എറണാകുളം ജില്ലയിൽ 25.57 ലക്ഷം പേർ

കാക്കനാട് ∙ ജനുവരി ഒന്നിന് 18 വയസു തികഞ്ഞവരെ കൂടി ഉൾപ്പെടുത്തി പുതുക്കിയ പട്ടികയിൽ ജില്ലയിലെ വോട്ടർമാരുടെ എണ്ണം 25,57,932. 13,03,973 സ്ത്രീകളും 12,53,947 പുരുഷൻമാരും ട്രാൻസ്ജെൻഡർ വിഭാഗക്കാരായ 12 പേരുമാണ് പുതിയ വോട്ടർ പട്ടികയിലുള്ളത്. 2,04,584 പേരുള്ള പിറവം നിയമസഭാ മണ്ഡലത്തിലാണ് വോട്ടർമാർ കൂടുതൽ. 1,59,074 പേരുള്ള എറണാകുളം നിയമസഭ മണ്ഡലമാണ് എണ്ണത്തിൽ പിന്നിൽ. കഴിഞ്ഞ ലോക്സഭ തിരഞ്ഞെടുപ്പിൽ 24,86,705 വോട്ടർമാരും തദ്ദേശ തിരഞ്ഞെടുപ്പിൽ 25,90,200 വോട്ടർമാരുമാണ് ജില്ലയിൽ ഉണ്ടായിരുന്നത്. ഇത്തവണ തൃപ്പൂണിത്തുറയിലും പിറവത്തും വോട്ടർമാരുടെ എണ്ണം രണ്ടു ലക്ഷം കവിഞ്ഞു.