നാട്ടിൽ വിരുന്നെത്തി സ്വർണ നിറമുള്ള ആമ: വനം വകുപ്പ് ഏറ്റെടുക്കും

കാക്കനാട്∙ നാട്ടിൽ വിരുന്നെത്തിയ അപൂർവ ഇനം ആമയെ ഇന്നു വനം വകുപ്പ് ഏറ്റെടുക്കും. സ്വർണ നിറത്തിലുള്ള ആമയെ കെബിപിഎസ് ജീവനക്കാരൻ മാണികുളങ്ങര എം.എം.മഹേഷിന്റെ വീട്ടിലാണു സൂക്ഷിച്ചിരിക്കുന്നത്. തൃക്കാക്കര മുനിസിപ്പൽ ഗ്രൗണ്ടിനു സമീപം റോഡിലൂടെ ഇഴഞ്ഞു നീങ്ങുന്നതു കണ്ട ആമയെ മഹേഷ് വീട്ടിലേക്കു കൊണ്ടുവരികയായിരുന്നു. ആദ്യം വീട്ടിലെ തടാകത്തിലെ വെള്ളത്തിൽ ഇട്ടെങ്കിലും വനം വകുപ്പിന്റെ നിർദേശ പ്രകാരം കരയിലേക്കു മാറ്റി. കാരറ്റും ചേമ്പിലയും പൂക്കളുമാണു ഭക്ഷണം.