സീപോർട്ട്– എയർപോർട്ട് റോഡിന് നടുവിൽ പൈപ്പ് പൊട്ടി ചോർച്ച; അപകട സാധ്യത

കളശേരി ∙ സീപോർട്ട് – എയർപോർട്ട് റോഡിനു നടുവിൽ പൈപ്പ് പൊട്ടി ശുദ്ധജലം പാഴാവുന്നു. റോഡും തകർന്നു തുടങ്ങി. അപകട സാധ്യതയും നിലനിൽക്കുന്നു. കുഴി രൂപപ്പെടാനും തുടങ്ങി. രാസവസ്തുക്കൾ, പെട്രോളിയം ഉൽപന്നങ്ങൾ, പാചകവാതകം എന്നിവയും മറ്റും  വാഹനങ്ങൾ നിരന്തരം പോകുന്ന റോ‍ഡാണ്. ട്രെയിലറുകളടക്കം വലിയവാഹനങ്ങളും പോകുന്ന വഴിയാണ്. പൈപ്പ് പൊട്ടി റോഡിനടിയിൽ നിന്നു ജലം ഉയർന്നു വരികയും റോഡ് തകരുകയും ചെയ്തിട്ടും ഇവിടെ മുന്നറിയിപ്പ് ബോർഡുകളൊന്നും സ്ഥാപിച്ചിട്ടില്ല.