തോട്ടിലേക്കു മാലിന്യം തള്ളാൻ ശ്രമം: ഒരാൾ പിടിയിൽ
![eklm-waste-dumping-arrest തോട്ടുമുഖം തോട്ടിൽ തള്ളാൻ കൊണ്ടുവന്ന മാലിന്യം കീഴ്മാട് പഞ്ചായത്ത് അധികൃതർ പിടികൂടിയപ്പോൾ.](https://img-mm.manoramaonline.com/content/dam/mm/mo/district-news/ernakulam/images/2023/3/25/eklm-waste-dumping-arrest.jpg?w=1120&h=583)
Mail This Article
×
ആലുവ∙ തോട്ടുമുഖം പാലത്തിൽ നിന്നു തോട്ടിലേക്കു മാലിന്യം തള്ളാൻ എത്തിയ അതിഥിത്തൊഴിലാളിയെ കീഴ്മാട് പഞ്ചായത്ത് ഹെൽത്ത് സ്ക്വാഡ് പിടികൂടി.മാലിന്യം കൊണ്ടുവന്ന ഇരുചക്രവാഹനം കസ്റ്റഡിയിൽ എടുത്തു. എടത്തല പഞ്ചായത്തിലെ കൊടികുത്തുമലയിൽ താമസസ്ഥലത്തെ ഭക്ഷണാവശിഷ്ടങ്ങളും പ്ലാസ്റ്റിക് മാലിന്യവുമാണ് പിടികൂടിയതെന്ന് പഞ്ചായത്ത് അധികൃതർ പറഞ്ഞു.
അതിഥിത്തൊഴിലാളിയിൽ നിന്നു പിഴ ഈടാക്കി. മാലിന്യം അവർ താമസിക്കുന്ന പ്രദേശത്തു ശാസ്ത്രീയമായി നിർമാർജനം ചെയ്യാനുള്ള നിർദേശങ്ങൾ നൽകി. വാർഡ് അംഗം മനു, പഞ്ചായത്ത് സെക്രട്ടറി അബ്ദുൽ ഹക്കിം, ഹെൽത്ത് ഇൻസ്പെക്ടർ പി.ബി. അന്ത്രു എന്നിവർ പരിശോധനയ്ക്കു നേതൃത്വം നൽകി.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.