ഉദയംപേരൂർ ∙ ഓമനിച്ചു വളർത്തിയ മിട്ടുവെന്ന തത്തയെ കാണാതായതിന്റെ ദുഃഖത്തിലാണ് കണ്ടനാട് പിട്ടാപ്പിള്ളിൽ വീട്ടിൽ മിനി ജിബിയും കുടുംബവും. വീട്ടിലെ അംഗത്തെ പോലെ വളർത്തിയിരുന്ന വിദേശ ഇനം ഗ്രേ പാരറ്റ് ഇനത്തിൽ പെട്ട തത്തയാണ് ഇന്നലെ രാവിലെ 8.40 നു പറന്ന് പോയത്. 2 വർഷം മുൻപ് 75,000 രൂപയ്ക്കാണ് ബെംഗളൂരുവിൽ നിന്ന് മിട്ടുവിനെ ഇവർ വാങ്ങിയത്. കൂട് വൃത്തിയാക്കുമ്പോഴാണ് തത്ത പറന്ന് പോയത് എന്ന് ഉടമസ്ഥർ പറയുന്നു. നന്നായി സംസാരിക്കുന്ന തത്തയുടെ ചിത്രവും വിവരങ്ങളും സാമൂഹിക മാധ്യമങ്ങളിൽ അടക്കം പങ്കുവച്ചിട്ടുണ്ട്. വിവരം നൽകുന്നവർക്ക് പാരിതോഷികം പ്രഖ്യാപിച്ചിട്ടുണ്ട്. 95678 10069.