തുലാമാസ വാവുബലിക്ക് ആലുവ മണപ്പുറം ഒരുങ്ങി
Mail This Article
×
ആലുവ∙ തിങ്കളാഴ്ച നടക്കുന്ന തുലാമാസ വാവുബലിക്ക് ആലുവ മണപ്പുറം ഒരുങ്ങി. ശിവരാത്രിയും കർക്കടക വാവും കഴിഞ്ഞാൽ മണപ്പുറത്ത് ഏറ്റവുമധികം ആളുകൾ പിതൃതർപ്പണത്തിന് എത്തുന്നതു തുലാമാസത്തിലെ അമാവാസിക്കാണ്. ദീപാവലിയും കറുത്ത വാവും അടുത്തടുത്ത ദിവസങ്ങളിൽ വരുന്നതിനാൽ 2 ദിവസം തിരക്ക് അനുഭവപ്പെട്ടേക്കും.
തിങ്കളാഴ്ച പുലർച്ചെ 4നു മണപ്പുറത്ത് ഔപചാരികമായി ബലിതർപ്പണം തുടങ്ങും. 80 ബലിത്തറകളിൽ മുപ്പതെണ്ണം ലേലം ചെയ്തു. 25 വ്യാപാര സ്റ്റാളുകളിൽ എട്ടെണ്ണം ലേലത്തിൽ പോയി. ബാക്കിയുള്ളവ നിശ്ചിത ഫീസ് ഈടാക്കി നൽകുന്നതിനു ദേവസ്വം ഓഫിസിൽ പ്രത്യേക കൗണ്ടർ തുറന്നു. പാലസ് റോഡ്, തോട്ടയ്ക്കാട്ടുകര–ആൽത്തറ റോഡ് എന്നിവിടങ്ങളിൽ വാഹന പാർക്കിങ് നിരോധിച്ചു. മണപ്പുറത്ത് എത്തുന്ന വാഹനങ്ങൾക്കു വടക്കേ മണപ്പുറത്താണു പാർക്കിങ് സൗകര്യം.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.