ക്ഷേത്രങ്ങളിൽ ദർശനം നടത്തി നിയുക്ത ശബരിമല മേൽശാന്തിമാർ
![melsanthi-darsanam ശബരിമല മേൽശാന്തി പി.എൻ. മഹേഷ് നമ്പൂതിരിയും മാളികപ്പുറം മേൽശാന്തി പി.ജി. മുരളിയും തൃക്ക മഹാവിഷ്ണ ക്ഷേത്രത്തിൽ ദർശനം നടത്തുന്നു.](https://img-mm.manoramaonline.com/content/dam/mm/mo/district-news/ernakulam/images/2023/11/17/melsanthi-darsanam.jpg?w=1120&h=583)
Mail This Article
×
മൂവാറ്റുപുഴ∙ നിയുക്ത ശബരിമല മേൽശാന്തി പി.എൻ.മഹേഷ് നമ്പൂതിരിയും മാളികപ്പുറം മേൽശാന്തി പി.ജി.മുരളിയും ഒരുമിച്ച് മൂവാറ്റുപുഴയിലെ ക്ഷേത്രങ്ങളിൽ ദർശനം നടത്തി. മൂവാറ്റപുഴ തൃക്ക മഹാവിഷ്ണു ക്ഷേത്രം, കാലാമ്പൂർ ഭഗവതി ശാസ്താ ക്ഷേത്രം എന്നിവിടങ്ങളിലാണ് ഇരുവരും ഒരുമിച്ചെത്തി ദർശനം നടത്തിയത്. പാറമേക്കാവിൽ നിന്നു ശബരിമലയിലേക്കുള്ള യാത്രാമധ്യേയാണു പി.എൻ. മഹേഷ് നമ്പൂതിരിയുടെ ജന്മനാടായ മൂവാറ്റുപുഴയിലെ ക്ഷേത്രങ്ങളിലെത്തിയത്. ഇരു ക്ഷേത്രങ്ങളിലും നൂറുകണക്കിനു വിശ്വാസികളാണ് ഇവരെ സ്വീകരിക്കാൻ കാത്തു നിന്നിരുന്നത്. ക്ഷേത്രം ഭാരവാഹികൾ ചേർന്ന് ഇവരെ സ്വീകരിച്ചു. കാലാമ്പൂർ ക്ഷേത്രത്തിൽ നിന്നു ഒട്ടേറെ തീർഥാടകർ കെട്ടുനിറച്ച് ശബരിമലയിലേക്കു മേൽശാന്തിമാരെ അനുഗമിക്കുന്നുണ്ട്. .
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.