അങ്കമാലി ∙ ബ്ലോക്ക് പഞ്ചായത്ത് ഓഫിസ് കെട്ടിടത്തിന്റെ തൂണിനുള്ളിൽ കുടുങ്ങിയ പൂച്ചക്കുട്ടികളെ അഗ്നിരക്ഷാസേന രക്ഷപ്പെടുത്തി. ഇന്നലെ രാവിലെ 11ന് തൂണിന്റെ ഉള്ളിൽ നിന്നു കരച്ചിൽ കേട്ടതോടെയാണ് ഉദ്യോഗസ്ഥർ ശ്രദ്ധിച്ചത്. അലുമിനിയം ഷീറ്റിൽ നിർമിച്ച തൂണിന്റെ മുകൾ ഭാഗത്തെ വിടവിൽ നിന്നു 2 പൂച്ചക്കുട്ടികളാണു തൂണിന്റെ താഴേക്കിറങ്ങിയത്. തിരിച്ചുകയറാൻ സാധിക്കാതെ വന്നതോടെ കരച്ചിൽ തുടങ്ങി. അഗ്നി രക്ഷാസേനയെത്തി തൂണ് പൊളിച്ചാണു പൂച്ചക്കുട്ടികളെ രക്ഷപ്പെടുത്തിയത്.