ക്രിസ്മസ് ഗാനം പുറത്തിറക്കി ബിജെപി നേതാവ്
Mail This Article
×
കൊച്ചി ∙ സ്നേഹ സ്വരൂപനായ ജീവനാഥനെ കുറിച്ചു ബിജെപി നേതാവ് രചിച്ച ക്രിസ്മസ് ഗാനം പുറത്തിറക്കി. നിയമസഭാ തിരഞ്ഞെടുപ്പിൽ കൊച്ചിയിലെ ബിജെപി സ്ഥാനാർഥിയായിരുന്ന സി.ജി. രാജഗോപാലാണു ഗാനം രചിച്ചത്. കെസിബിസി മീഡിയ കമ്മിഷനും ചാവറ കൾചറൽ സെന്ററും അന്തരിച്ച തിരക്കഥാകൃത്ത് ജോൺപോളിനായുള്ള കൊച്ചിയിലെ സ്നേഹക്കൂട്ടായ്മയും ചേർന്നു ക്രിസ്മസ് ഗാനം പുറത്തിറക്കി.
സുജിത് കുര്യന്റെ സംഗീതത്തിൽ ഡോ. രാഹുൽ ലക്ഷ്മൺ ആലപിച്ച ഗാനം ചാവറ കൾചറൽ സെന്റർ സ്റ്റുഡിയോയിലാണു റെക്കോർ‍ഡ് ചെയ്തത്. മനുഷ്യർ പരസ്പരം സ്നേഹത്തിലും സൗഹൃദത്തിലും കഴിയണമെന്നാണു ഗാനത്തിന്റെ സന്ദേശം. ചാവറ കൾചറൽ സെന്റർ ഡയറക്ടർ ഫാ. അനിൽ ഫിലിപ്, കെസിബിസി മീഡിയ കമ്മിഷൻ സെക്രട്ടറി ഫാ. സിബു ഇരിമ്പിനക്കൽ എന്നിവരുടെ നേതൃത്വത്തിലായിരുന്നു ഗാനത്തിന്റെ അണിയറ പ്രവർത്തനങ്ങൾ. കെസിബിസി ന്യൂസ് യൂട്യൂബ് ചാനലിൽ ഗാനം കാണാം.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
