ഹൈ ടെക് നഗരത്തിൽ വാട്ടർ മീറ്ററുകൾക്ക് അനക്കമില്ല

കാക്കനാട്∙ ഐടി നഗരത്തിലെ വാട്ടർ മീറ്ററുകളിൽ പലതും നിശ്ചലം. തൃക്കാക്കര നഗരസഭാ പരിധിയിൽ  പ്രവർത്തിക്കാത്ത 366 മീറ്ററുകൾ ഇതിനകം മാറ്റി. പരിശോധന തുടരുകയാണ്. ജാംബവാന്റെ കാലത്തുള്ളവയാണ് പല മീറ്ററുകളുമെന്നാണ് ഉപയോക്താക്കളുടെ ആക്ഷേപം. 18,000 ഗാർഹിക കണക്‌ഷൻ ഉൾപ്പെടെ 21,000 ഉപയോക്താക്കളാണ് തൃക്കാക്കരയിലുള്ളത്. ഉപയോക്താവ് പുതിയ മീറ്റർ വാങ്ങി നൽകുന്നതനുസരിച്ച് മാറ്റി വയ്ക്കൽ തുടരുകയാണെന്ന് അധികൃതർ അറിയിച്ചു. നിശ്ചലമായ മീറ്ററുകൾ മാറ്റാത്ത കണക്‌ഷൻ വിഛേദിക്കാനാണ് തീരുമാനം.