കെഎസ്ആർടിസിയിൽ പെൻഷൻ മുടങ്ങുന്നു; ചീഫ് സെക്രട്ടറിയും ഗതാഗത സെക്രട്ടറിയും ഹാജരാകണമെന്ന് ഹൈക്കോടതി
Mail This Article
×
കൊച്ചി∙ കെഎസ്ആർടിസിയിൽ 3 മാസം പെൻഷൻ വിതരണം മുടങ്ങിയ സാഹചര്യത്തിൽ ചീഫ് സെക്രട്ടറിയും ഗതാഗത സെക്രട്ടറിയും 14ന് ഓൺലൈൻ വഴി ഹാജരായി വിശദീകരണം നൽകണമെന്നു ഹൈക്കോടതി. ട്രാൻസ്പോർട്ട് പെൻഷനേഴ്സ് ഫ്രണ്ട് അംഗങ്ങൾ നൽകിയതുൾപ്പെടെ കോടതിയലക്ഷ്യ ഹർജികളിലാണു ജസ്റ്റിസ് ദേവൻ രാമചന്ദ്രന്റെ ഉത്തരവ്. മൂന്നു മാസമായി പെൻഷൻ കിട്ടാത്തവരുടെ ദുരിതം കാണാതെ പോകരുതെന്നു കോടതി അഭിപ്രായപ്പെട്ടു.
കുടുംബാംഗങ്ങളുടെ വിദ്യാഭ്യാസം, ചികിത്സ ഉൾപ്പെടെയുള്ള ചെലവുകൾക്കു പണം എങ്ങനെ കണ്ടെത്തുമെന്നു കോടതി ചോദിച്ചു. പെൻഷൻ വിതരണത്തിന്റെ കാര്യത്തിൽ കൺസോർഷ്യവുമായി ചർച്ച തുടരുകയാണെന്നും പലിശയുടെ കാര്യത്തിൽ തീരുമാനമായില്ലെന്നും സർക്കാർ അറിയിച്ചു. ഡിസംബർ, ജനുവരി, ഫെബ്രുവരി മാസങ്ങളിൽ പെൻഷൻ കിട്ടിയില്ലെന്നാണു പരാതി.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.