തെരുവ് നായ്ക്കളുടെ കടിയേറ്റ രണ്ടുപേർക്ക് പേ വിഷബാധ

വരാപ്പുഴ ∙ മാർക്കറ്റിൽ തെരുവു നായ്ക്കളുടെ കടിയേറ്റ രണ്ടു പേർക്കു പേ വിഷബാധ സ്ഥിരീകരിച്ചു. ഇവർ വിവിധ ആശുപത്രികളിലായി ചികിത്സയിലാണ്. കഴിഞ്ഞ ദിവസം വരാപ്പുഴ മാർക്കറ്റിലാണു തെരുവു നായ ഇവരെ കടിച്ചത്. മാർക്കറ്റിലുള്ള മറ്റു നായ്ക്കളെയും പേ ബാധിച്ച നായ കടിച്ചതായി കണ്ടെത്തിയിരുന്നു. ഇൗ നായ ചത്തതോടെ പഞ്ചായത്ത് അധികൃതരുടെ നേതൃത്വത്തിൽ നടത്തിയ പരിശോധനയിലാണു പേ വിഷബാധ സ്ഥിരീകരിച്ചത്. മാർക്കറ്റിൽ എത്തിയ മറ്റു പലരെയും കടിച്ചതായും സൂചനയുണ്ട്.