നഗരവാസികളെ ആകർഷിച്ച് ഫൺ വേൾഡ് മറൈൻ എക്സ്പോ
Mail This Article
പെരുമ്പാവൂർ ∙ നഗരവാസികളെ ആകർഷിച്ചു ഫൺ വേൾഡ് മറൈൻ എക്സ്പോ. ഓരോ ദിവസവും വൻ തിരക്കാണ് അനുഭവപ്പെടുന്നത്. പാലക്കാട്ടുതാഴം മൈതാനത്തു നടക്കുന്ന പ്രദർശനം മാർച്ച് 9ന് സമാപിക്കും. സമുദ്രാന്തർ ഭാഗത്തെ കാഴ്ചകളും അപൂർവയിനം പക്ഷികളും ഡോ എ . പി.ജെ അബ്ദുൽ കലാമിന്റെ ജീവിത പരിസരങ്ങളിലൂടെയുളള യാത്രയും റോബട്ടിക് മൃഗശാലയും ആണ് ആകർഷണം. അമ്യൂസ്മെന്റ് റൈഡുകളും ഉണ്ട്. വിവിധ സംസ്ഥാനങ്ങളിലുള്ള വ്യാപാര സ്ഥാപനങ്ങളുടെ പ്രദർശനവും ഒരുക്കിയിട്ടുണ്ട്. ഫൺ വേൾഡ് ബെംഗളൂരു ആണ് എക്സ്പോ സംഘടിപ്പിക്കുന്നത്.
15 കോടിയോളം വിലവരുന്നതും പൂർണമായും അക്രലിക് നിർമിതവുമായ അണ്ടർ വാട്ടർ ടണലിലൂടെ വിവിധയിനം മത്സ്യങ്ങളെ കണ്ടു കൊണ്ടുള്ള യാത്രയാണ് ആകർഷണം. കടൽകുതിരയും നീരാളിയും ഉൾപ്പെടെയുള്ള സമുദ്ര ജീവികളും അപൂർവ മത്സ്യങ്ങളും കാഴ്ചക്കാർക്കു ചുറ്റുമായി നീന്തി നടക്കുന്ന പ്രതീതിയാണിവിടെ. ഫൺ വേൾഡ് ബെംഗളൂരു ആണ് എക്സ്പോ സംഘടിപ്പിക്കുന്നത്.
വൈകിട്ട് 4 മുതൽ രാത്രി 9.30 വരെയാണു പ്രദർശനം. മുതിർന്നവർക്ക് 150 രൂപയും 5 മുതൽ 10 വയസ്സു വരെയുള്ള കുട്ടികൾക്ക് 120 രൂപയും ആണ് പ്രവേശന ഫീസ്.4 വയസ്സു വരെയുള്ള കുട്ടികൾക്കു ടിക്കറ്റ് വേണ്ട.