പൗരത്വ ഭേദഗതി നിയമത്തിനെതിരെ യൂത്ത് കോൺഗ്രസ് നൈറ്റ് മാർച്ച് നടത്തി

കൊച്ചി∙ കേന്ദ്ര സർക്കാർ പൗരത്വ ഭേദഗതി നിയമം നടപ്പാക്കുന്നതിനെതിരെ യൂത്ത് കോൺഗ്രസ് എറണാകുളം നിയോജക മണ്ഡലം കമ്മിറ്റിയുടെ നേതൃത്വത്തിൽ നൈറ്റ് മാർച്ച് നടത്തി. ഹൈബി ഈഡൻ എംപി മാർച്ച് ഉദ്ഘാടനം ചെയ്തു. യൂത്ത് കോൺഗ്രസ് എറണാകുളം നിയോജക മണ്ഡലം പ്രസിഡന്റ് അഡ്വ. സഫൽ വലിയവീടൻ അധ്യക്ഷത വഹിച്ചു. 

കെപിസിസി സെക്രട്ടറി ടോണി ചമ്മണി, യൂത്ത് കോൺഗ്രസ് ദേശീയ കോർഡിനേറ്റർ ദീപക് ജോയ്, യൂത്ത് കോൺഗ്രസ് സംസ്ഥാന ജനറൽ സെക്രട്ടറിമാരായ ജിൻഷാദ് ജിന്നാസ്, ലിന്റോ, ദിനിൽ രാജ്, സഞ്ജയ്‌, സിജോ ജോസഫ് എന്നിവർ സംസാരിച്ചു. 

കലൂർ ബസ്റ്റാൻഡ് പരിസരത്തു നിന്നും തുടങ്ങിയ മാർച്ച് ആർബിഐ ഓഫിസിനു സമീപം സമാപിച്ചു. തുടർന്ന് പ്രവർത്തകർ റോഡ് ഉപരോധിച്ചു പ്രതിഷേധിച്ചു.