ഹാർബറിൽ വോട്ട് തേടി ഹൈബിയെത്തി

കൊച്ചി ∙ കാളമുക്ക് ഹാർബറിൽ പുലർച്ചെ 6ന് വോട്ട് ചോദിച്ചു യുഡിഎഫ് സ്ഥാനാർഥി ഹൈബി ഇൗഡൻ എത്തി. തോപ്പുംപടി ഹാർബറിൽ നടപ്പാക്കിയ വികസന പദ്ധതി ചൂണ്ടിക്കാട്ടിയ ഹൈബി തൊഴിലാളികളുടെ ആവശ്യങ്ങൾ ചോദിച്ചറിഞ്ഞു. തുടർന്ന് എളങ്കുന്നപ്പുഴ കർത്തേടം ഗുണ്ടു ഐലൻഡ് കയർ ഫാക്ടറിയിലെത്തി തൊഴിലാളികളുടെ പിന്തുണ തേടി. സ്നേഹതീരം വൃദ്ധ സദനത്തിലെത്തിയ ഹൈബി ഈഡൻ അമ്മമാർക്കൊപ്പം സമയം ചെലവിട്ടു. മാലിപ്പുറത്തെ ചെമ്മീൻ ഫാക്ടറിയിലെത്തി. വൈകിട്ട് പറവൂർ നിയോജക മണ്ഡലം കൺവൻഷനിൽ പങ്കെടുത്ത ഹൈബി തുടർന്നു പറവൂർ മണ്ഡലത്തിലെ വിവിധ കേന്ദ്രങ്ങളിൽ വോട്ടർമാരെ നേരിൽ കണ്ടും സ്ഥാപനങ്ങൾ സന്ദർശിച്ചും പിന്തുണ തേടി.