102–ാം വയസ്സിലും പോളിങ് ബൂത്തിലെത്തി എസ്.പി.നായർ

പറവൂർ ∙ 102–ാം വയസ്സിലും പോളിങ് ബൂത്തിലെത്തി വോട്ട് ചെയ്ത് എസ്.പി.നായർ.  91 വയസ്സുള്ള ഭാര്യ ലീല പി.നായരുടെ കൈപിടിച്ചാണു ഗവ.എൽപിജി സ്കൂളിന്റെ പടി കയറി പോളിങ് ബൂത്തിലെത്തിയത്. മകൾ ഷൈലയും കൊച്ചുമകൾ സരോജും ഒപ്പമുണ്ടായിരുന്നു. വീട്ടിൽ വച്ചു വോട്ട് ചെയ്യാൻ അവസരമുണ്ടെങ്കിലും പോളിങ് ബൂത്തിൽ പോയി വോട്ട് ചെയ്യണമെന്ന തീരുമാനത്തിലായിരുന്നു ഗോവിന്ദവിലാസിൽ എസ്.പി.നായർ.  കേസരി സ്മാരക ട്രസ്റ്റിന്റെ പ്രസിഡന്റായ ഇദ്ദേഹം കുറച്ചുനാൾ മുൻപു വരെ  കാർ ഓടിച്ചിരുന്നു.