അവശ്യസാധനങ്ങളും മരുന്നുകളും വീട്ടിൽ എത്തിക്കാൻ ജനമൈത്രി പൊലീസ്

അടിമാലി ∙ കോവിഡ് 19 രോഗം വ്യാപിക്കുന്നത് തടയാനുള്ള മുന്നൊരുക്കങ്ങളുടെ   ഭാഗമായി   നിരത്തുകളിൽ    തിരക്ക് കുറയ്ക്കുന്നതിന് അവശ്യ സാധനങ്ങളും മരുന്നുകളും വീട്ടിൽ എത്തിച്ചു നൽകുന്ന പദ്ധതിയുമായി ജനമൈത്രി പൊലീസ്. അടിമാലി ചാരിറ്റബിൾ സൊസൈറ്റിയുമായി സഹകരിച്ചാണ് ഹോം ഡെലിവറി പദ്ധതിക്ക് തുടക്കം കുറിച്ചത്. 10 മുതൽ 4 വരെയാണ്   ഇതിനുള്ള   സമയം ക്രമീകരിച്ചിരിക്കുന്നത്. ഇതിനായി 4 വാഹനങ്ങൾ സജ്ജമാക്കിയിട്ടുണ്ട്.ഫോണിൽ വിളിച്ച് ആവശ്യക്കാർക്ക് ഓർഡർ നൽകാൻ കഴിയും. അവർ നിർദേശിക്കുന്ന വ്യാപാര സ്ഥാപനങ്ങളിൽ നിന്ന് സാധനങ്ങൾ വാങ്ങി വീട്ടിൽ എത്തിച്ചു നൽകുമ്പോൾ ബിൽ തുകയും യാത്ര കൂലിയും നൽകണം. പദ്ധതിയുടെ ഫ്ലാഗ് ഓഫ് അടിമാലി പൊലീസ് എസ് എച്ച് ഒ അനിൽ ജോർജ് നിർവഹിച്ചു. ഫോൺ: 80759 44394, 96053 78183, 94952 70889, 94473 98312, 94475 23301