പ്രായപൂർത്തിയാകാത്ത വിദ്യാർഥിനികൾക്ക് പീഡനം: 2 വിദ്യാർഥികൾ പിടിയിൽ
Mail This Article
×
നെടുങ്കണ്ടം ∙ പ്രായപൂർത്തിയാകാത്ത 2 വിദ്യാർഥിനികളെ ദുരുപയോഗം ചെയ്തെന്ന പരാതിയിൽ 2 വിദ്യാർഥികൾ അറസ്റ്റിൽ. ഉടുമ്പൻചോല പൊലീസ് സ്റ്റേഷൻ പരിധിയിലാണ് സംഭവം. ഒരാഴ്ച മുൻപാണ് കേസിനാസ്പദമായ സംഭവം. ഓൺലൈൻ ക്ലാസിൽ പങ്കെടുക്കാൻ മൊബൈൽ ഫോണിൽ റേഞ്ച് ലഭിക്കാത്തതിനാൽ 5–ാം ക്ലാസ് വിദ്യാർഥിനിയും 3–ാം ക്ലാസ് വിദ്യാർഥിനിയും സമീപത്തെ മറ്റൊരു വീട്ടിലെത്തിയാണ് ഓൺലൈൻ ക്ലാസിൽ പങ്കെടുത്തത്.
ഇതിനിടെ പ്ലസ് വൺ വിദ്യാർഥിയും 8–ാം ക്ലാസ് വിദ്യാർഥിയും കുട്ടികളെ ദുരുപയോഗപ്പെടുത്തിയെന്നാണ് പരാതി. വിദ്യാർഥികളുടെ ഫോണിൽ നിന്നു മാതാപിതാക്കൾ അശ്ലീലചിത്രം കണ്ടെത്തിയതോടെയാണ് സംഭവം പുറത്തായത്. ഉടുമ്പൻചോല പൊലീസ് വിശദമായ അന്വേഷണം നടത്തിവരികയാണ്. അറസ്റ്റ് ചെയ്ത വിദ്യാർഥികളെ തൊടുപുഴ ചൈൽഡ് വെൽഫെയർ കമ്മിറ്റിക്കു മുൻപിൽ ഹാജരാക്കിയ ശേഷം തുടർനടപടി സ്വീകരിക്കുമെന്ന് പൊലീസ് അറിയിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
