മലവെള്ളപ്പാച്ചിലിൽ പാറക്കല്ലുകൾ നിരങ്ങി വീണ് കലുങ്ക് തകർന്നു

ചെറുതോണി ∙ കഴിഞ്ഞ ദിവസമുണ്ടായ ശക്തമായ മല വെള്ളപ്പാച്ചിലിൽ പാറക്കല്ലുകൾ നിരങ്ങി വീണ് കലുങ്ക് തകർന്നു. അടിമാലി – കുമളി ദേശീയ പാതയിൽ ചുരുളി മുണ്ടയ്ക്കൽ പടി കലുങ്കാണ് ഭാഗികമായി തകർന്നത്. ഇതോടെ പെയ്ത്തു വെള്ളം റോഡ് നിറഞ്ഞാണ് ഒഴുകുന്നത്.

മലമുകളിൽ അടർന്നു വീഴാറായ പാറക്കൂട്ടം ഇനിയും ഉള്ളതിനാൽ പ്രദേശവാസികൾ ഭീതിയിലാണ്. ഏതു നിമിഷവും താഴേക്ക് പതിക്കാവുന്ന അവസ്ഥയിലായ വലിയ കല്ലുകൾ പൊട്ടിച്ചു നീക്കി അപകട ഭീതി ഒഴിവാക്കണമെന്നാണ് നാട്ടുകാരുടെ ആവശ്യം.