കാണിക്കവഞ്ചി തകർത്തു മോഷണം; 7000 രൂപ നഷ്ടം

ഇരട്ടയാർ∙ കൊച്ചുകാമാക്ഷിയിൽ എസ്എൻഡിപി യോഗം സ്ഥാപിച്ചിരുന്ന കാണിക്കവഞ്ചി തകർത്തു പണം കവർന്നു. കഴിഞ്ഞ ദിവസം രാത്രിയാണു സംഭവം. 7000 രൂപയോളം നഷ്ടപ്പെട്ടതായാണു വിലയിരുത്തൽ. 3 മാസമായി കാണിക്കവഞ്ചിയിൽ നിന്നു ക്ഷേത്ര ഭാരവാഹികൾ പണം എടുത്തിരുന്നില്ല. വിരലടയാള വിദഗ്ധർ സ്ഥലത്തെത്തി തെളിവെടുപ്പു നടത്തി.

മേഖലയിലെ സിസിടിവി ദൃശ്യങ്ങൾ ഉൾപ്പെടെ കേന്ദ്രീകരിച്ച് തങ്കമണി പൊലീസ് അന്വേഷണം ആരംഭിച്ചു. മോഷണം നടന്ന കാണിക്ക വഞ്ചിയുടെ സമീപത്തായി പള്ളിയുടെ നേർച്ചപ്പെട്ടിയും അടയാളക്കല്ല് ക്ഷേത്രത്തിന്റെ കാണിക്കവഞ്ചിയും ഉണ്ടെങ്കിലും അവിടങ്ങളിൽ മോഷണശ്രമം നടന്നിട്ടില്ല.