ഇടുക്കി ജില്ലയിൽ ഇന്ന് (26-11-2022); അറിയാൻ, ഓർക്കാൻ
Mail This Article
വോട്ടർ പട്ടിക പരിശോധിക്കാം
മൂന്നാർ ∙ വോട്ടർ പട്ടിക പുതുക്കുന്നതുമായി ബന്ധപ്പെട്ട് 26, 27, ഡിസംബർ 3, 4 തീയതികളിൽ ദേവികുളം താലൂക്ക് ഓഫീസ്, വില്ലേജ് ഓഫിസുകളിലും വോട്ടർ പട്ടിക പൊതുജനങൾക്ക് പരിശോധിക്കാനും പേര് ചേർക്കാനും തെറ്റ് തിരുത്താനും ആധാർ നമ്പർ വോട്ടർ ഐഡിയുമായി ബന്ധിപ്പിക്കാനുമുള്ള സൗകര്യമുണ്ടായിരിക്കുമെന്ന് തഹസീൽദാർ (ഇ അർ.ഓ ) അറിയിച്ചു.
താൽക്കാലിക അധ്യാപക ഒഴിവ്
അടിമാലി ∙ മച്ചിപ്ലാവ് ഗവ. ഹൈസ്കൂളിൽ യു പി എസ് ടി മലയാളം തസ്തികയിൽ താത്കാലിക അധ്യാപക ഒഴിവുണ്ട്.കൂടിക്കാഴ്ച 29ന് 11 മണിക്ക് സ്കൂൾ ഓഫിസിൽ നടക്കും.
കൂടിക്കാഴ്ച 29 ന്
വണ്ടൻമേട് ∙ പഞ്ചായത്തിൽ എൽഐഡി ആൻഡ് ഇഡബ്ല്യു (എൻജിനീയറിങ്) വിഭാഗത്തിലേക്ക് താൽക്കാലികാടിസ്ഥാനത്തിൽ ഓവർസീയറെ നിയമിക്കാനുള്ള കൂടിക്കാഴ്ച 29ന് രാവിലെ 10ന് പഞ്ചായത്ത് ഓഫിസിൽ നടക്കും. അംഗീകൃത സർവകലാശാലയിൽ നിന്ന് 3 വർഷത്തെ സിവിൽ ഡിപ്ലോമ/സിവിൽ എൻജിനീയറിങ് ബിരുദം ഉള്ളവർക്കും 3 വർഷത്തിൽ കുറയാത്ത പ്രവൃത്തി പരിചയം ഉള്ളവർക്കും പങ്കെടുക്കാം.
കൂടിക്കാഴ്ച 2 ന്
ചക്കുപള്ളം ∙ പ്രാഥമിക ആരോഗ്യ കേന്ദ്രത്തിൽ ആശുപത്രി വികസന സമിതിയുടെ നേതൃത്വത്തിൽ ലാബ് ടെക്നീഷ്യനെ നിയമിക്കാനുള്ള കൂടിക്കാഴ്ച ഡിസംബർ 2ന് രാവിലെ 11ന് ആരോഗ്യ കേന്ദ്രത്തിൽ നടക്കും. താൽപര്യമുള്ളവർ അസ്സൽ സർട്ടിഫിക്കറ്റുകളുമായി ഹാജരാകണം. പ്രവൃത്തി പരിചയമുള്ളവർക്ക് മുൻഗണനയുണ്ട്. പ്ലസ്ടു സയൻസ്, ഡിഎംഎൽടി, ബിഎസ് സി, എംഎൽടി, മെഡിക്കൽ കൗൺസിലിന്റെ റജിസ്ട്രേഷൻ സർട്ടിഫിക്കറ്റ് ഉള്ളവർക്ക് പങ്കെടുക്കാം. ഫോൺ: 04868 282260.