ഇടുക്കി ജില്ലയിൽ ഇന്ന് (29-11-2022); അറിയാൻ, ഓർക്കാൻ

അധ്യാപക നിയമനം:കൂടിക്കാഴ്ച ഇന്ന്

ഉപ്പുതറ ∙ കണ്ണംപടി ഗവ. ട്രൈബൽ ഹൈസ്‌കൂളിൽ എസ്എസ്ടി സോഷ്യൽ സയൻസ് തസ്തികയിലേക്ക് ദിവസ വേതനാടിസ്ഥാനത്തിൽ അധ്യാപക നിയമനത്തിനുള്ള കൂടിക്കാഴ്ച ഇന്നു രാവിലെ 11നു നടക്കും. യോഗ്യരായവർ സർട്ടിഫിക്കറ്റുകളുമായി ഹാജരാകണം.

ടെക് ഫെസ്റ്റ്  മാറ്റിവച്ചു

കാഞ്ചിയാർ ∙ ലബ്ബക്കട ജെപിഎം ആർട്‌സ് ആൻഡ് സയൻസ് കോളജിലെ കംപ്യൂട്ടർ സയൻസ് വിഭാഗത്തിന്റെ നേതൃത്വത്തിൽ ഡിസംബർ 5, 6 തീയതികളിൽ നടത്താനിരുന്ന നാഷനൽ ലെവൽ ടെക് ഫെസ്റ്റ് സർവകലാശാലാ പരീക്ഷകൾ നടക്കുന്നതിനാൽ ജനുവരി 5, 6 തീയതികളിലേക്കു മാറ്റിവച്ചു. 

ഹയർ സെക്കൻഡറി സ്‌കൂളുകൾ, കോളജുകൾ, ഐടിഐ, വിവിധ സർവകലാശാലകൾ എന്നിവിടങ്ങളിലെ വിദ്യാർഥികൾക്ക് അവരുടെ കഴിവുകൾ പ്രകടിപ്പിക്കാനുള്ള വേദിയാണിത്. ഫെസ്റ്റിന്റെ ഭാഗമായി ഐടി ക്വിസ്, കോഡിങ്, വെബ് ഡിസൈനിങ്, ഗെയിമിങ്, ട്രഷർ ഹണ്ട്, ഫുട്‌ബോൾ തുടങ്ങിയ മത്സരങ്ങൾ നടക്കും. ഫോൺ: 6282576196, 9048184493.