വേനലായതോടെ പടരുന്നു കാട്ടുതീ...

മറയൂർ ∙ വേനലായതോടെ കാട്ടുതീ വനത്തിൽ പടർന്നു തുടങ്ങി. കഴിഞ്ഞ ദിവസം ചെമ്പട്ടി ഭാഗത്തും ഇന്നലെ മറയൂർ ചന്ദന റിസർവ് മലനിരകളിൽ മൂന്ന് ഭാഗങ്ങളായും കാട്ടുതീ പടർന്നു. പുൽമേടുകളുള്ള ഭാഗത്താണ് കാട്ടുതീ പടർന്നു പിടിച്ചത്. ചെമ്പട്ടി ഭാഗത്ത് സസ്യങ്ങളും മരങ്ങളും കത്തി അമർന്നു. കഴിഞ്ഞ ദിവസങ്ങളിലായി മറയൂർ മേഖലയിൽ ചൂട് കാലാവസ്ഥയാണ് അനുഭവപ്പെടുന്നത്.