പൊട്ടൻപടി മലയിൽ കാട്ടാനയുടെ സാന്നിധ്യം

കുളമാവ് ∙ നാടുകാണിക്കു സമീപം പൊട്ടൻപടി മലയിൽ കാട്ടാനയുടെ സാന്നിധ്യം. 2 മാസത്തിലേറെയായി ഈ പ്രദേശത്ത് കാട്ടാനകളെത്തുന്നത് നാട്ടുകാരെ ഭീതിയിലാക്കിയിട്ടുണ്ട്. കഴിഞ്ഞ ദിവസം ബൈക്ക് യാത്രക്കാരൻ ആന ഓടിച്ചു. ഇവിടെ താമസിക്കുന്ന ജനങ്ങൾ ഏറെ ഭീതിയിലാണ് പുറത്തിറങ്ങുന്നത്. കാര്യമായ കൃഷി നാശമില്ലെങ്കിലും ജനങ്ങളുടെ സഞ്ചാര വഴികളിൽ ഭീതി പരത്തുകയാണ്. ആനകളെ ഉൾവനത്തിലേയ്ക്ക് മടക്കി അയയ്ക്കാൻ വനംവകുപ്പ് മുൻകൈ എടുക്കണമെന്നാണ് നാട്ടുകാരുടെ ആവശ്യം.കുളമാവ് ടൗണിനു സമീപം വരെ കാട്ടാന എത്താറുണ്ടെന്നാണ് പ്രദേശവാസികൾ പറയുന്നത്.