നാച്ചിവയലിൽ വൈദ്യുതി ലൈനിൽ വീണ കുരങ്ങിനെ രക്ഷിച്ചു

മറയൂർ ∙ നാച്ചിവയലിൽ വൈദ്യുതി ലൈനിലേക്ക് വീണ് അപകടത്തിൽപെട്ട കുരങ്ങിനെ രക്ഷിച്ചു. കുരങ്ങുശല്യം കൂടുതലായ ഇവിടെ കുരങ്ങുകൾ വൈദ്യുതി ലൈനിൽ തട്ടി അപകടത്തിൽപെടുന്നത് പതിവാണ്. ഇന്നലെ  നാലുമണിയോടെ കുരങ്ങ് കുടുങ്ങിക്കിടന്നത്. ഇതോടെ വൈദ്യുത ലൈനുകൾ കൂട്ടിമുട്ടി തീയും പടർന്നു.

ഈ സമയത്ത് അവിടെയുണ്ടായിരുന്ന പൊതുപ്രവർത്തകനായ എസ്.ചന്ദ്രൻ കുരങ്ങനെ എറിഞ്ഞു താഴെ വീഴ്ത്തി. തുടർന്ന് ചന്ദ്രനും പ്രദേശവാസികളും ചേർന്ന് കുരങ്ങനെ വെള്ളം നൽകി രക്ഷപ്പെടുത്തുകയായിരുന്നു. വെള്ളം കുടിച്ചതോടെ ഉഷാറായ കുരങ്ങ് ആൾക്കൂട്ടത്തിൽ നിന്ന് ഓടിമാറി.