കണ്ണവം ഗവ.ട്രൈബൽ യുപി സ്കൂൾ ബൂത്തിൽ കനത്ത സുരക്ഷ

ചെറുവാഞ്ചേരി ∙ കൂത്തുപറമ്പ് നിയോജക മണ്ഡലത്തിൽ മാവോയിസ്റ്റ് സാന്നിധ്യമുള്ള ബൂത്തായി പരിഗണിക്കപ്പെട്ട കണ്ണവം കോളനിയിലെ ഗവ.ട്രൈബൽ യുപി സ്കൂൾ ബൂത്തിൽ കനത്ത സുരക്ഷ. സ്കൂളിലെ ബൂത്ത് 59നും സമീപത്ത് തന്നെയുള്ള പുതിയ ബ്ലോക്കിലെ 59എ ഓക്സിലറി ബൂത്തിലും കേന്ദ്രസേനയെ വിന്യസിച്ചിട്ടുണ്ട്. ഇരു ബൂത്തുകളിലുമായി 1159 വോട്ടർമാരുണ്ട്. 538 പേർ പുരുഷൻമാരും 621 പേർ വനിതകളുമാണ്.