കനത്ത ‌മഴയിൽ കിണർ ഇടിഞ്ഞുതാഴ്ന്നു; മോട്ടറും സമീപത്തുണ്ടായിരുന്ന പാത്രങ്ങളും താഴ്ന്നു പോയി

പുളിങ്ങോത്തെ മൗലാകിരിയത്ത് ജാഫറിന്റെ കിണർ ഇടിഞ്ഞുതാഴ്ന്ന നിലയിൽ.
SHARE

ചെറുപുഴ ∙ കനത്ത മഴയിൽ കിണർ ഇടിഞ്ഞുതാഴ്ന്നു. പുളിങ്ങോം-പാലാവയൽ റോഡിനു സമീപം താമസിക്കുന്ന മൗലാകിരിയത്ത് ജാഫറിന്റെ വീടിനോടു ചേർന്നുള്ള കിണറാണ് ഇടിഞ്ഞുതാഴ്ന്നത്. ബുധനാഴ്ച രാത്രി 11നാണു സംഭവം. തേജസ്വിനിപ്പുഴയുടെ സമീപത്താണു വീട് സ്ഥിതി ചെയ്യുന്നത്. കിണർ ഇടിഞ്ഞതോടെ വീട്ടുകാർ ബന്ധുവീട്ടിലേക്കു മാറി. കിണറിൽ സ്ഥാപിച്ച മോട്ടറും സമീപത്തുണ്ടായിരുന്ന പാത്രങ്ങളും മറ്റും കിണറിനൊപ്പം താഴ്ന്നു പോയി.

40 അടിയോളം താഴ്ചയുള്ള കിണർ 15 വർഷം മുൻപു നിർമിച്ചതാണ്. വീടിനോടു ചേർന്നുള്ള കിണർ ഇടിഞ്ഞുതാഴ്ന്നതു വീട്ടുകാരെ ആശങ്കയിലാക്കിയിട്ടുണ്ട്. കഴിഞ്ഞദിവസം മലയോര മേഖലയിൽ ഭൂചലനം ഉണ്ടായിരുന്നു. കിണർ താഴ്ന്നതിനു ഭൂചലനവുമായി ബന്ധമുണ്ടോയെന്ന സംശയവും ഉയർന്നിട്ടുണ്ട്. സംഭവം റവന്യൂ അധികൃതരെ അറിയിച്ചതായി വീട്ടുടമ പറഞ്ഞു.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

ഇതിലും ചെലവുകുറഞ്ഞ വീടില്ല! | Hometour | Lowcost Home

MORE VIDEOS