പയ്യന്നൂരിലെ കുടുംബശ്രീ ഹോട്ടലിലും ഇലക്ട്രിക്കൽ കടയിലും കവർച്ച

പയ്യന്നൂർ ∙ തോട്ടിലെ കോൺക്രീറ്റ് ബീമിൽ പൂജ നടത്തിയ ശേഷം നഗരസഭ ഓഫിസ് കെട്ടിടത്തിലെ കുടുംബശ്രീ ഹോട്ടലിലും ഇലക്ട്രിക്കൽ കടയിലും കവർച്ച. ഹോട്ടലിൽ നിന്ന് പണവും ഇലക്ട്രിക്കൽ കടയിൽ നിന്ന് സാധനങ്ങളും കൊണ്ടുപോയി. കടയിലെ സിസിടിവിയിൽ മോഷ്ടാവിന്റെ ചിത്രം പതിഞ്ഞിട്ടുണ്ട്.പൊലീസ് അന്വേഷണത്തിനിടയിലാണ് നഗരസഭ ഓഫിസിനോട് ചേർന്നുള്ള പെരുമ്പ തോട്ടിലെ പാലത്തിന്റെ  ബീമിൽ പൂജ നടത്തിയ മാലയും പൂക്കളും പഴങ്ങളും കളഭവും മറ്റും കണ്ടത്. കവർച്ചയ്ക്ക് മുൻപ് കള്ളൻ പൂജ നടത്തിയതാണെന്ന നിഗമനത്തിലാണ് പൊലീസ്.