പെരുന്തലേരിയിൽ 2 പേരെ കുറുക്കൻ കടിച്ചു

ശ്രീകണ്ഠപുരം∙ പെരുന്തലേരിയിലും സമീപ പ്രദേശത്തും ഭീതി പരത്തിയ കുറുക്കൻ 2 പേരെ കടിച്ചു. ഒട്ടേറെ നായ്ക്കളെയും പൂച്ചകളെയും കോഴികളെയും കടിച്ചിട്ടുണ്ട്. കടിയേറ്റവർ പ്രതിരോധ കുത്തിവയ്പ്പെടുത്തു. കടിയേറ്റ മൃഗങ്ങൾക്ക് പേ ഇളകാനുള്ള സാധ്യത കൂടുതലാണെന്നും ഉടമസ്ഥർ ചെങ്ങളായി മൃഗാശുപത്രിയിലെത്തി നിർദേശങ്ങൾ സ്വീകരിക്കണമെന്നും അധികൃതർ നിർദേശിച്ചു. രാവിലെ പതിനൊന്നോടെ പരിഭ്രാന്തി പരത്തിയ കുറുക്കനെ പിന്നീട് തല്ലിക്കൊന്നു.