കണ്ണൂർ ജില്ലയിൽ ഇന്ന് (28-11-2023); അറിയാൻ, ഓർക്കാൻ
Mail This Article
സേവിങ്‌സ് സർട്ടിഫിക്കറ്റുകൾ ജലവിതരണംമുടങ്ങും;തളിപ്പറമ്പ്∙ വാട്ടർ അതോറിറ്റിയുടെ ആടിക്കുംപാറ ടാങ്ക് അറ്റകുറ്റ പണികൾക്കായി ഇന്ന് അടച്ചിടുന്നതിനാൽ ഇന്നും നാളെയും തളിപ്പറമ്പ് നഗരസഭ പരിധിയിൽ ജലവിതരണം ഉണ്ടായിരിക്കില്ലെന്ന് വാട്ടർ അതോറിറ്റി അസി. എൻജിനീയർ അറിയിച്ചു.
പരിശീലകരെ നിയമിക്കും
തളിപ്പറമ്പ്∙ കുറുമാത്തൂർ പഞ്ചായത്ത് വാർഷിക പദ്ധതിയുമായി ബന്ധപ്പെട്ട് സ്കൂൾ വിദ്യാർഥികൾക്ക് കായിക പരിശീലനം നൽകുന്നതിന് പരിശീലകരെ നിയമിക്കുന്നു. അഭിമുഖം നാളെ 10ന് പഞ്ചായത്ത് ഓഫിസിൽ നടക്കും.
അധ്യാപക ഒഴിവ്
കരുവഞ്ചാൽ∙ കണിയഞ്ചാൽ ഗവ.ഹയർ സെക്കൻഡറി സ്കൂളിൽ ഹൈസ്കൂൾ വിഭാഗത്തിൽ ഫിസിക്കൽ സയൻസ് അധ്യാപകന്റെ താൽക്കാലിക ഒഴിവുണ്ട്. അഭിമുഖം ഇന്ന് 11 ന് സ്കൂൾ ഓഫിസിൽ.
കൈപ്പറ്റാം
ദേശീയ സമ്പാദ്യ പദ്ധതി കണ്ണൂർ ഡപ്യൂട്ടി ഡയറക്ടർ ഓഫിസിനു കീഴിൽ എംപികെബിവൈ/എസ്എഎസ് ഏജന്റുമാരായി പ്രവർത്തിച്ചിരുന്നവർക്ക് സെക്യൂരിറ്റി നിക്ഷേപമായി പ്ലെഡ്ജ് ചെയ്തതും കാലാവധി കഴിഞ്ഞതുമായ നാഷനൽ സേവിങ്‌സ് സർട്ടിഫിക്കറ്റുകൾ തിരികെ കൈപ്പറ്റാം. ഫോൺ: 9497426020, 9847556259
കുടുംബശ്രീ പ്രീമിയം കഫെ: അപേക്ഷ ക്ഷണിച്ചു
കുടുംബശ്രീ പ്രീമിയം കഫെ തുടങ്ങാൻ കുടുംബശ്രീ അംഗങ്ങൾ, കുടുംബാംഗങ്ങൾ, ഓക്‌സിലറി ഗ്രൂപ്പ് അംഗങ്ങൾ എന്നിവരിൽ നിന്ന് താൽപര്യപത്രം ക്ഷണിച്ചു. ഡിസംബർ 2ന് വൈകിട്ട് 4നകം ലഭിക്കണം. www.kudumbashree.org ഫോൺ: 0497 2702080.
പിഎസ്സി ചുരുക്കപ്പട്ടിക
ജില്ലയിൽ വിദ്യാഭ്യാസ വകുപ്പിൽ ഹൈസ്കൂൾ ടീച്ചർ (സോഷ്യൽ സയൻസ്-മലയാളം മീഡിയം-ഫസ്റ്റ് എൻ സി എ-എൽ സി/എ ഐ-343/2022) തസ്തികയിലേക്ക് ജൂലൈ 26ന് നടത്തിയ ഓൺലൈൻ പരീക്ഷയുടെ അടിസ്ഥാനത്തിൽ തയാറാക്കിയ ചുരുക്കപ്പട്ടിക പ്രസിദ്ധീകരിച്ചതായി ജില്ലാ പിഎസ്സി ഓഫിസർ അറിയിച്ചു.
ഡേറ്റ എൻട്രി ഓപ്പറേറ്റർ: അപേക്ഷ ക്ഷണിച്ചു
വനിതാ ശിശുവികസന വകുപ്പിന് കീഴിലെ ഡിസ്ട്രിക്ട് ഹബ് ഫോർ എംപവർമെന്റ് ഓഫ് വുമണിലേക്ക് ഡേറ്റ- എൻട്രി ഓപ്പറേറ്റർ തസ്തികകളിലേക്ക് കരാർ നിയമനം നടത്തുന്നു. ഡിസംബർ 5ന് വൈകിട്ട് 5നകം ജില്ലാ വനിത ശിശുവികസന ഓഫിസിൽ അപേക്ഷ സമർപ്പിക്കണം. ഫോൺ: 0497 2700708.
