നായാട്ടുപാറയിൽ പ്ലൈവുഡ് ഫാക്ടറിയിൽ തീപിടിത്തം
Mail This Article
×
മട്ടന്നൂർ∙ നായാട്ടുപാറ ചോലയിലെ ന്യൂ വിക്ടറി പ്ലൈവുഡ് ഫാക്ടറിയിൽ തീപിടിച്ചു നാശനഷ്ടം. മട്ടന്നൂർ അഗ്നിരക്ഷാ സേന തീ നിയന്ത്രണ വിധേയമാക്കി.രാവിലെ 8 നാണ് സംഭവം. ഫാക്ടറിയിലെ ഫർണസിനാണ് തീപിടിച്ചത്. ബോയിലറിന്റെ ഓയിൽ പൈപ്പ് ചോർന്നതാണ് തീപ്പിടിത്തത്തിന് ഇടയാക്കിയതെന്ന് ഫയർഫോഴ്സ് ഉദ്യോഗസ്ഥർ അറിയിച്ചു. ഒന്നര മണിക്കൂറോളം നീണ്ട ശ്രമത്തിനൊടുവിലാണ് തീ കെടുത്താനായത്.
കണ്ണൂർ സ്വദേശിനി നസ്റീൻ സുനൈദിന്റെ ഉടമസ്ഥതയിലുള്ളതാണ് ഫാക്ടറി. 5 ലക്ഷത്തോളം രൂപയുടെ നാശനഷ്ടം കണക്കാക്കുന്നു. സ്റ്റേഷൻ ഓഫിസർ ടി.വി.ഉണ്ണിക്കൃഷ്ണൻ, ഉദ്യോഗസ്ഥരായ സി.കെ.സുരേന്ദ്ര ബാബു, ഷഗിൽ, വി.രാകേഷ്, വി.പ്രദീഷ്, കെ.വി.ഷിജിൻ, പി.നിവേദ്, പി.റിജു, ശ്രീനാഥ്, സി.സുരേഷ് ബാബു എന്നിവരുടെ നേതൃത്വത്തിലാണ് തീയണച്ചത്.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.