കനത്ത മഴയിൽ വീട് തകർന്നു; തലനാരിഴയ്ക്കാണ് പരുക്കേൽക്കാതെ രക്ഷപ്പെട്ടത്

ചെർക്കള ∙ കനത്ത മഴയിൽ വീട് തകർന്നു. നാരമ്പാടി പുളിത്തടിയിലെ പരമേശ്വര നായ്ക്കിന്റെ വീടാണ് ഇന്നലെ  പുലർച്ചെ തകർന്നുവീണത്  ഭാര്യയും 2 കുട്ടികളും അടങ്ങുന്ന കുടുംബം തലനാരിഴയ്ക്കാണ് പരുക്കേൽക്കാതെ രക്ഷപ്പെട്ടത്. പഞ്ചായത്തിൽ ഒട്ടേറെ തവണ വീടിനു വേണ്ടി അപേക്ഷ നൽകിയെങ്കിലും ഇതുവരെ വീട് അനുവദിച്ചു കിട്ടിയില്ല. ചെങ്കള പഞ്ചായത്ത് ബിജെപി പ്രവർത്തകർ പരമേശ്വരയ്ക്ക് താൽക്കാലികമായി താമസിക്കാനുള്ള സൗകര്യം ഒരുക്കുക്കൊടുക്കുമെന്നു ബിജെപി മണ്ഡലം ജനറൽ സെക്രട്ടറി പി.ആർ.സുനിൽ അറിയിച്ചു.