കാസർകോട് ജില്ലയിൽ ഇന്ന് (01-10-2022); അറിയാൻ, ഓർക്കാൻ

പ്രബേഷൻ അസിസ്റ്റന്റ്

കാസർകോട് ∙ സാമൂഹികനീതി വകുപ്പിന്റെ ജില്ലാ പ്രബേഷൻ ഓഫിസിൽ പ്രബേഷൻ അസിസ്റ്റന്റ് ഒഴിവിലേക്ക് കരാർ അടിസ്ഥാനത്തിൽ നിയമനം നടത്തുന്നു. അഭിമുഖം 19ന് 9.30ന് സിവിൽ സ്റ്റേഷനിലെ ജില്ലാ പ്രബേഷൻ ഓഫിസിൽ. 04994–255366.

ആയ നിയമനം

കാസർകോട് ∙ ബിആർസികളിൽ സെക്കൻഡറി വിഭാഗത്തിൽ ഭിന്നശേഷിയുള്ള വിദ്യാർഥികളെ പരിപാലിക്കുന്നതിനു ആയമാരുടെ തസ്തികകളിലേക്ക് കരാർ അടിസ്ഥാനത്തിൽ നിയമനം നടത്തുന്നു. അഭിമുഖം 11ന് 10.30ന് സമഗ്രശിക്ഷാ കേരളം ജില്ലാ പ്രോജക്ട് ഓഫിസിൽ. 04994–230316.

ലബോറട്ടറി അസിസ്റ്റന്റ് റാങ്ക് പട്ടിക

കാസർകോട് ∙ ഹയർ സെക്കൻഡറി വിദ്യാഭ്യാസ വകുപ്പിൽ ലബോറട്ടറി അസിസ്റ്റന്റ് (സ്പെഷൽ റിക്രൂട്മെന്റ് ഫോർ എസ്ടി ഓൺലി) (കാറ്റഗറി നമ്പർ 258/2020) തസ്തികയിലെ റാങ്ക് പട്ടിക പ്രസിദ്ധീകരിച്ചു. 

എൻട്രൻസ് പരിശീലനത്തിന് ധനസഹായം

കാസർകോട് ∙ പട്ടികജാതി വിദ്യാർഥികൾക്ക് മെഡിക്കൽ എൻജിനീയറിങ് എൻട്രൻസ് പരിശീലനത്തിന് പട്ടികജാതി വികസന വകുപ്പ് ധനസഹായം നൽകുന്നു. കുടുംബ വാർഷിക വരുമാനം 6 ലക്ഷം രൂപയിൽ കുറവുള്ള വിദ്യാർഥികൾ നിശ്ചിത ഫോറത്തിൽ 15ന് 5നകം ജില്ലാ പട്ടികജാതി വികസന ഓഫിസിൽ അപേക്ഷ നൽകണം. 04994–256162.

കല്ലുമ്മക്കായ കൃഷി: ലൈസൻസ് വേണം

കാസർകോട് ∙  കല്ലുമ്മക്കായ കൃഷി ചെയ്യുന്നവർക്ക് 2010ലെ ഇൻലാൻഡ് ആക്ട് പ്രകാരം ലൈസൻസ് ആവശ്യമാണെന്ന് ഫിഷറീസ് ഡപ്യൂട്ടി ഡയറക്ടർ അറിയിച്ചു. കല്ലുമ്മക്കായ കൃഷിക്കായി വിത്ത് സർക്കാർ അംഗീകൃത സംഘങ്ങൾ വഴി മാത്രമേ വാങ്ങാൻ പാടുള്ളൂ.