കുളമ്പുരോഗ പ്രതിരോധ കുത്തിവയ്പ്: നാലാം ഘട്ടം ജില്ലയിൽ തുടങ്ങി

ബദിയടുക്ക ∙ ദേശീയ ജന്തു രോഗ നിയന്ത്രണ പദ്ധതിയുടെ ഭാഗമായി സംസ്ഥാന മൃഗസംരക്ഷണ വകുപ്പ് നടപ്പാക്കുന്ന കുളമ്പുരോഗ പ്രതിരോധ കുത്തിവയ്പ് പദ്ധതി (എൻഎഡിസിപി)യുടെ നാലാം ഘട്ടം ജില്ലയിൽ തുടങ്ങി. ബദിയടുക്ക പഞ്ചായത്ത് പ്രസിഡന്റ് ബി.ശാന്ത ഉദ്ഘാടനം ചെയ്തു.  വൈസ് പ്രസിഡന്റ് എം.അബ്ബാസ് അധ്യക്ഷത വഹിച്ചു.

ഡിവിസി കാസർകോട് ചീഫ് വെറ്ററിനറി ഓഫിസർ ഡോ. വി.എ.നവാസ്, ജില്ലാ ജന്തുരോഗ നിയന്ത്രണ പദ്ധതി ജില്ലാ കോഓർഡിനേറ്റർ ഡോ. എസ്.മഞ്ജു, ആർഎഎച്ച്സി കാസർകോട് അസിസ്റ്റന്റ് പ്രോജക്ട് ഓഫിസർ ഡോ. പി.ആശ, ബദിയടുക്ക വെറ്ററിനറി സർജൻ ഡോ. അനുഗ്രഹ്, ബേള ക്യാറ്റിൽ ഫാം ഫീൽഡ് ഓഫിസർ സി.കെ.കമലാക്ഷൻ എന്നിവർ പ്രസംഗിച്ചു.